اوی-جای قوریش جریانیده قولیلیکلر یرهتیش مقصدیده، بوگون توشدن آلدین افغانستان اسلام امیرلیگی ریاست الوزراء اداری اورینباسری حرمتلی مولوی عبدالسلام حنفی باشچیلیگیده ییغین اوتکزیلدی. اوشبو ییغینده تشقی ایشلر، شهرقوریش و اوی-جای وزیرلیکلری، اداره امور عمومی باشلیغی، کابل شهرداری و شهردارلیک ایشلرینی مدرنلشتیرش عمومی مسؤللری و نمایندهلری اشتراک ایتدیلر.
اوشبو ییغینده قوریلیش اجازت نامه بیریش جریانینی آسانلشتیریش، اداری قیینچیلیکلرنی کمهیتیریش همده ریجهلنتیریلگن و ریجهلنتیریلمهگن ساحهلرده تورر-جایلر قوریلیشی اوچون یخشیراق زمینهلر یرهتیش حقیده بحث و مصلحتلر قیلیندی.
اشتراکچیلر، وطنداشلر، اینیقسه مملکتگه قیتگن مهاجرلر اوچون خذمت کورسهتیش جریانیده عملی و اونوملی قولیلیکلر یرهتیش کیرهکلیگینی و اولر اوزلریگه اوی-جایلر قوریش اوچون تیز و ترتیبلی روشده قدم تشلش اوچون ترغیب ایتیلیشلری حقیده تاکید قیلدیلر.
شونینگدیک، تیگیشلی ادارهلر اوز ارا همکارلیکنی کوچهیتیریش و ایش جریانینی تیزلشتیریش حقیده هم سوز یوریتیلدی. مسؤللر تورر-جایلر قوریلیشی اوچون مناسب زمینهلر یرهتیشنی شهرلرنینگ اساسی احتیاجلریدن بیری دیب اتهدیلر و بونگه جدی اعتبار بیریش، اهالی تورموش درجهسینی یوقاری کوتهریشده مهم رول اوینهشینی ایتدیلر.
ییغین سونگیده، قبول قیلینگن قرارلرنی جدی شکلده تیکشیریش و تیگیشلی ادارهلر اوز ارا همکارلیکلرینی دوام ایتتیریش حقیده تأکیدلندی. عینی حالده اشتراکچیلر اوی-جایلر قوریلیشی و شونینگدیک خلق اوچون ایش اورینلرینی یرهتیش جریانی ینهده اونوملی و شفاف شکلده یولگه قویلیشی ضرور ایکنینی معلوم قیلدیلر.#
