افغانستان اسلام امیرلیگی ریاست الوزراء مقامی عمومی دفتری باشلیغی حرمتلی داکتر ملا عبدالواسع بوگون آذربایجان (AKELIK Group LLC) اکیلیک گروپ کمتنیسی مسوولی و نماینده سی خگانی نوریف جنابلری بیلن اوچره شدی.
سیاسی و مردمی ایشلر بوییچه باشلیغی حرمتلی مولوی گلزار احمد حقانی حضوریده ارگ ده بولیب اوتگن بو اوچره شووده، دستلب خگانی نوریف جنابلری اسلام امیرلیگی حاکمیتیدن سونگ آلغه سیلجیشلر، خوفسیزلیک و مردم گه تینچلیک فضا ایجاد بولگنی اوچون خرسندلیک قیلیب و اسلام امیرلیگی نینگ مسووللریگه سرمایه یاتقیزوچیلرگه همکارلیک قیلیش و اولرگه مناسب شرایط یره تگنی اوچون قدردانلیک قیلدی.
اونینگ ایتیشیچه، آذربایجان اکیلیک گروپ کمپنی مجموعه سی سوغاریش و ایچیملیک سوو، برق بندلری قوریلیشی، یوللر قوریش، بنالر قوریش و شهری کانالیزاسیون بوییچه کوپ تجربه گه ایگه دیر. ازبکستان قوشیمچه باشقه قنچه مملکتلرده ییریک پروژه لرنی هم عملگه آشیرگن اسلامی همده دنیا بانکی بیلن هم همکار دیر.
آذربایجان اکیلیک گروپ کمپنی مسوولی، مذکور کمپنی افغانستان رواجله نیشی همده آبادانلیگیگه حصه قویشیشگه قیزیقه دی و قیته قوریش پروژه لرگه سرمایه یاتقیزه دی دیدی.
کیینچه لیک ریاست الوزراء مقامی عمومی دفتری باشلیغی حرمتلی داکتر ملا عبدالواسع خکانی نوریف نی خوش کیلیب سیز دیب، افغانستان نینگ تورلی بولیملرده قیته قوریش و تکیله نیشگه احتیاجی بار و شونینگ اوچون هم اسلام امیرلیگی ایچکی و تشقی سرمایه یاتقیزوچیلرگه مناسب فرصتلرنی یره تیب بیرگن دیدی.
ریاست الوزراء مقامی عمومی دفتری باشلیغی، اسلام امیرلیگی تاجرلر همده سرمایه یاتقیزوچیلرنینگ افغانستانگه سرمایه کیریتیشیدن خرسندلیک قیله دی و اولرنینگ تجربه و مصلحتلرینی شریک قیلیشنی استقبال قیله‌دی.#
