ریاست الوزرا اقتصادی اورین باسری حرمتلی ملا عبدالغنی برادر آخند هیئت باشچیلیگیده بولگن قزاقستان باش وزیرینینگ اورین باسری آقای ژومانگارین همده اقتصاد وزیری بیلن ارگده چهار چنار قصریده اوچرهشدی
ریاستالوزرا اقتصادی اورین باسری، افعانستان و قزاقستاننی مهم تجارتی شریکلریدن بیلیب، ایکی مملکت آرهسیده همکارلیکنی یول نقشهسی تطبیق بولیشی بیلن سودا حجمینی اوچ میلیارد دالر گه ییتیشیشینی امید قیلدی.
حرمتلی ملا عبدالغنی برادر آخند ایکینچیلیک، کانلر، ترانسپورت، تیمیر یولی، قیشلاق خواجهلیگی محصولاتینی صادر قیلیشینی کوپهیتیریش، بانکی علاقهلرنی مستحکملش، ایکینچیلیک وچاروهچیلیکده تیگیشلی کېلیشوو بیتیملری، مالی بازارلرده تخنیکی همکارلیکلر، محلی اسعار لردن فایدهلنیش، ترانسپورتی همده لوژستیکی همکارلیکلرنی کینگهیتیریش، افعانستان، ایران، قزاقستان و ترکمنستان اوچون بیر مشترک مرکزنینگ تکلیفی همده خارگوس بندریده افعانستانگه تیگیشلی وارد قیلینهدیگن بویوملر اوچون بیر لوژستیکی مرکز قوریش اوشبو یول نقشهسینی مهم بولملریدن ایکنلیگینی ایتدی.
ریاستالوزرا اقتصادی اورین باسری، یول نقشهسی مسودهسینی افعانستان اوز تامانیدن یکولنتیرگنینی ایتیب، قزاقستان تامانیدن، تطبیق قیلیش زمینهسینی یرهتیش اوچون تیگیشلی ترماقلرنی یکولنتیریشلرینی سورهدی.
حرمتلی ملا عبدالغنی برادر آخند، اقتصادی همکارلیکلرنی رواجلنتیریشده خصوصی سکتور رولینی مهم بیلیب، سودا کورگزمهلر کوپهلیشی، اقتصادی مشترک اولتیریشلر، سودا اوتاقلری آرهسیده همکارلیکلر همده ایکی تامانلمه تدبیرکارلرنی سفر قیلیشلری ینگی اقتصادی فرصتلرنی یرهتیش و سرمایهیاتقیزیش سطحینی کوپهیشیگه سبب بولیشینی اورغولهدی.
عین حالده، آقای سریک ژومانگارین صحبتلشیب، قزاقستاننیگ باش وزیری، افعانستان بیلن علاقهلرنی کوچهیتیریش همده اقتصادی همکارلیکلرنی کوپهیتیریشیگه خاص توجهسی بار ایکنلیگینی اورغولب، بوگونکی سفر اوکیشینی بویورغی بیلن عملگه آشیریلگنینی ایتدی.
ژومانگارین جنابلری، مملکتینی یورک کسللیکلرینی تشخیص قیلیش، خوفسیزلیک سکتورینی مستحکملش همده سوونی باشقریشیده افغانستان بیلن همکارلیک قیلیشلرینی بیلدیردی.
اوکیشی، کابل بیلیم یورتیگه سوو باشقیریش بوییچه بیر علمی مرکز قوریش و اونده افعانستان متخصصلرینی بو حقده تعلیم بیریشلرینی تیلگه آلدی.
شونینگدیک اوشبو اوچرهشووده، ترانسپورت رواجلنیش حقیده، صادر و وارد قیلیشنی کوپهلیشی، بانکی قولیلیکلر یرهتیش، اقتصادی همکارلیکلر یول نقشهسینی یکولنیشی همده بیر قطار باشقه موضوعلر حقیده بحث و نظر المشتیریلیب، بو زمینهده تخنیکی کمیتهلر ایشلرینی دوام بیریشلریگه تأکیدلندی.#
