افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون اوزی نینگ ایش دفتریده افغانستان اوچون ایران اسلام جمهوریتی نینگ ینگی ایلچیسی حرمتلی علی رضا بیگدلی بیلن تعارفی اوچره شدی.
اوشبو اوچره شووده ایران اسلام جمهوریتی ایلچیسی حرمتلی رضا بیگدلی هر ایکی مملکت علاقه لری کینگه یشی و اقتصادی همکارلیک کوپه یشی باره سیده تاکیدلب ایتیشیچه، چابهار بندری فعال بولیشی و آچیلیشی بو تلاش لرنینگ باشیده توره دی.
او ایران وافغانستان اورته سیده گی همکارلیک کیلیشوولرگه اشاره قیلیب ایتیشیچه، افغانستان بیلن همکارلیکلر کینگه ییش نی ایسته یدی. شونینگدیک ریاست الوزراء سیاسی اورین باسرینی تهرانگه سفر قیلیشگه چقیردی.
ریاست الوزراء سیاسی اورین باسری حرمتلی مولوی عبدالکبیر، حرمتلی علی رضا بیگدلی نینگ ینگی وظیفه بیلن تبریکلب ایتیشیچه، افغانستان و ایران اورته سیده گی تاریخی مناسبت و مشترکات اشاره قیلیب، بو اولکه لر اورته سیده علاقه و همکارلیک کینگه یشیگه امید قیلدی.
حرمتلی سیاسی اورین باسری، اسلام امیرلیگی ایران بیلن اقتصادی و سیاسی همکار دیر کینگه یشینی ایسته یدی دییه، ایران سرمایه یاتقیزوچیلری و تجارلریدن افغانستان گه سرمایه کیریتیشنی سوره دی.
اونینگ سوزلریگه کوره، اسلام امیرلیگی علاقه لری ممکتلر بیلن باشقه تامانلر تاثیر آستیگه کیتیش اوچون رخصت بیرمه یدی، لیکن افغانستان منطقوی برقرارلیک و اقتصادی کوچه یش اوچون تلاش قیله دی.
حرمتلی مولوی عبدالکبیر، افغان مهاجرلرینی میزبانلیک قیلگنی اوچون ایران گه تشکرلیک قیلیب ایتیشیچه، افغان مهاجرلریگه لازم آسانلیک یره تیلیشی کیره ک. اولر بیلن یخشی یانده شیلیب و افغان مهاجرلری جبری چیقاریلمس لیگی درکار.
ریاست الوزراء سیاسی اورین باسری نینگ سوزلریگه کوره، افغانستانده ایران و افغانستان مناسبتلرینی بوزه دیگن قنده ی دیر بیر عامل یوق. اونینگ قوشیمچه قیلیشیچه، حاضرده افغانستان ده مخدر ماده نی ایکیش و قاچاق ایتیش اورته دن کیتگن و ایران افغانستان اورته سیده حقابی مساله سی تفاهم بیلن حل بولگن. بو توغریده گی غیر مسولانه اظهارات هر ایکی مملکت اورته سیده گی علاقه لرگه منفی تاثیر تشله یدی.
