افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون فاریاب و جوزجان ولایتلری نینگ بیر قنچه دین عالملری همده مجاهدلری بیلن اوچره‌شیب ملاقات قیلدی.
بو اوچره‌شووده بیرینچیدن مذکور عالملر فاریاب و جوزجان ولایتلری نینگ اجتماعی، اقتصادی و امنیتی باره‌سیده معلومات بیریب ایتیشلریچه، بو ولایتلرده بوتونله‌ی امنیت تامینلنگن دیر و محلی مسووللر اهالی نینگ قیینچلیک همده معمالری برطرف ایتیلیشی اوچون تلاش قیله‌دیلر دیدیلر.
شونینگدیک اولر اسلام امیرلیگی نینگ مسووللریدن ترقیات پروژه‌لر تطبیق ایتیلیشی، بوتون مملکت اینیقسه بو ولایتلرده مدرسه همده مکتب لر ایجاد قیلینشینی سوره‌دیلر.
کیینچه لیک ریاست الوزراء اداری اورین باسری حرمتلی مولوی عبدالسلام حنفی اوچره‌شوودن خورسندلیک قیلیب، امنیت تامینله‌نیشی، اجتماعی آسایشته‌لیک یره‌تیش و یشاوچیلرگه لازم سهولت یره‌تیب بیریش اسلام امیرلیگی نینگ وظیفه‌لریدن سنه‌له‌دی و بو توغریده هر تامانلمه سعی و حرکت قیلینه‌دی دیدی.
ریاست الوزراء اداری اورین باسری اوچره‌شگنلرنینگ پیشنهادی باره‌سیده ایتیشیچه، اسلام امیرلیگی اوزی نینگ قولیده‌گی بار امکانیت بیلن بو توغریده توجه قیلیب لازم چاره تدبیرنی بجره‌دی.#
