افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالسلام حنفی بوگون کیچ بادغیس ولایتی والیسی حرمتلی مولوی عبدالصمد جاوید بیلن کوریشدی.
بو اوچره شووده دستلب بادغیس ولایتی والیسی حرمتلی مولوی عبدالصمد جاوی گپیریب بو ولایت خوفسیزلیگی، اقتصادی، اجتماغی و محلی حکومت دارلیک باره سیده ریاست الوزراء اداری اورین باسرلیگی مقامیگه معلومات بیردی.
اونینگ سوزلریگه کوره، مذکور ولایت ده خوفسیزلیک بوتونله ی تامین ایتیلگن دیر محلی مسووللر همده اسلام امیرلیگی نینگ مجاهدلری مردم گه آسانلیک یره تیش و اولرنینگ قیینچیلیگی برطرف بولیشی اوچون سعی و حرکت قیله دیلر.
بادغیس والیسی اسلام امیرلیگی نینگ رواجله نیش دستورلری همده تورلی بولیملرده گی یوتوقلرینی تیلگه آلیب، بو ولایت نینگ ایریم منطقه لریده ترقیات لایحه لر باشله نیشی، مدرسه لر همده مکتبلر، عمومی قتناوو یوللر قیته قوریلیشی و صحی کیلینیکلر اعمار بولیشی اوچون خاص توجه قره تیلیشینی سوره دی.
کیینچه لیک ریاست الوزراء اداری اورین باسری حرمتلی مولوی عبدالسلام حنفی بو اوچره شوودن خرسندلیک قیلیب بادغیس ولایتی محلی مسووللری نینگ فعالیتلری همده بجرگن ایشلرنی تحسین قیلیب آلقیشله دی.
ریاست الوزراء اداری اورین باسری امنیت تامینله نیشی، اهالی تینچلیگی، اولرنینگ معمالری برطرف ایتیلیشی و اجتماعی آسایشته لیک یره تیش اسلام امیرلیگی نینگ اساسی مسوولیتلریدن دیر و بو توغریده هیچ قنده ی سعی و تلاش دریغ ایتیلمه یدی دیدی.
حرمتلی مولوی عبدالسلام حنفی جنابلری محلی مسووللر وطنداشلریمیزگه خدمت کورسه تیش اوچون آلدین دن کوره کوپراق سعی و تلاش قیلیشلریگه تاکیدلب، اسلام امیرلیگی بار امکانیتلردن فایده له نیب ایتیلگن پیشنهادلر باره سیده لازم بولگن چاره لرنی کوره دی دیب تیلگه آلدی.#
