افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون یونامانینگ کابل ده گی باشلیغی روزا اوتنبایو و یولداش هیاتی بیلن کوریشدی.
بو اوچره شووده یوناما باشلیغی سونگی کونلرده کابل ده یوز بیرگن حادثه مناسبتی بیلن اوز قیغوداشلیگینی بیلدیردی.
او اسلام امیرلیگی نینگ مخدر ماده گه قرشی کوره‌شده‌گی تعهد و موقفینی یوقاری بهالب و یونامانینگ افغانستان ده کوکنار و باشقه گیاهوند مادّه‌لرنی ییتیشتیریش، معتادلرنی دوالش و دهقانلر بیلن همکارلیک قیلیش اوچون کوپلب مملکتلر نینگ قوشمه ییغیلیشینی و اسلام امیرلیگی وکیللری هم اشتراک ایتیش اوچون تکلیف قیلینه‌دی دیدی.
اوتنبایوا خانم قوشیمچه قیلدی؛ افغانستانده بیر نیچه اون ییللیکلر دوامیده گیاهوند مادّه‌لر ایشلب چیقریش و تجارت نینگ عاقبتلرینی برطرف ایتیش و آدملر اوچون مناسب بدیل ایش اورینلرینی تاپیش اوچون کوپ ایش قیلیش کیره‌ک.
او ریاست الوزراء سیاسي ایشلر وزیری اورین باسریگه افغانستان نینگ جَنوبي ولایتلریگه سفری حقیده معلومات بیریب، بیرلشگن ملتلر تشکیلاتی خوفسیزلیک کینگشی اعضالری بیلن یوناما نینگ افغانستان بوییچه هر اوچ آیلیک گزارشی نی بهم کوریشینی قوشیمچه قیلدی.
ریاست الوزراء سیاسی اورین باسری جناب مولوی عبدالکبیر یوناما باشلیغی و یولداش هیاتینی خوش کیلدینگیز دیب، اسلام امیرلیگیده مخدر مادّه‌لرگه قرشی ثمره‌لی کوره‌ش بوییچه عالی کمیسیون تشکیل ایتیلگنینی، یوناما قوشمیچه باشقه تیگیشلی اداره لر بیلن بیرگه‌لیکده‌گی ییغیلیش اوتکزیلیشی ممکن دیب ایتدی.
حرمتلی مولوی عبدالکبیر اسلام امیرلیگی گیاهوندلیککه قرشی انیق موقف گه ایگه ایکنلیگینی و هر قنده‌ی تورده‌گی گیاهوند مادّه‌لرنی یېتیشتیریش و تجارت قیلیشگه رخصت بیرمسلیگینی قوشیمچه قیلدی.
اوچره‌شوو یکونیده محترم مولوی عبدالکبیر مخدر مادّه‌لرگه قرشی کوره‌شده همکار تکشیلاتلر همده اولکه لر نینگ یاردمی ثمره‌لی ایکنی ممکن لیگینی قوشیمچه قیلدی.
شونینگدیک، حرمتلی مولوی عبدالکبیر یوناما افغانستانده نینگ حقیقت همده رواجله نیشلرینی خوفسیزلیک کینگشی بیلن بهم کوریشی کیره‌ک لیگینی اورغوله‌دی.#
