افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ اهل تشیع نینگ بیر قنچه نفوذلی کیشلری و بویوکلری بیلن کوریشدی.
اوچره‌شووده دستلب حرمتلی اسدالله سعادتی باشقه‌لر نماینده‌لیگیده گپیریب، مملکت‌ده امنیت تامین بولگنیدن خرسندلیک قیلیب، مملکت‌ده برقرارلیک و آرامش کوچه‌یتریلیشی اوچون یشاوچیلر تلاشی ضروری ایکنلیگینی ایتدی.
حرمتلی اسدالله سعادتی اوتمیش‌ده‌گی اوروشلر مملکت آستقورمه‌لرینی بوزیب تشله‌دی و افغانستان ملتی قتیق زیان کوردی و ایندی ایسه مردم گه خدمت قیلیش و اولکه‌نی قوریش وقتی کیلگن دییه، بیرلیک و دایمی بیرله‌شیش اوچون جدی توجه بولیشی لازملیگینی قوشیمچه قیلدی.
کیینچه‌لیک ریاست الوزرا اداری اورین باسری حرمتلی مولوی عبدالسلام حنفی اهل تشیع قوم بویوکلری بیلن اوچره‌شیشنی خوش قرشیلب ایتیشیچه، افغانستان برچه تورلی قتلم نینگ مشترک اویی بولیب و اسلام امیرلیگی مسوول حکومت صفتیده افغانستان ملتی نینگ خدمتیده دیب ایتدی.
ریاست الوزراء اداری اورین باسری‌نینگ قوشیمچه قیلیشیچه، اولکه‌نینگ ترقیاتی و آبادانلیگی کینگ همکارلیک و برچه وطنداشلرنینگ بی‌دریغ سعی و تلاشی بیلن ممکن بوله‌دی دیب، اولکه‌نینگ برچه یشاوچیلریدن ییر بوتونلیگی و نظام‌نی دفاع قیلیشده بیرله‌شیب بو مملکت نینگ رواجله‌نیشی اوچون بیرگه ایشلشلرینی ایسته‌دی.#
