افغانستان اسلامی امارت ریاست الوزراء سیاسی ایشلر بوییچه اورین باسری حرمتلی مولوی عبدالکبیر بوگون کیچ اروپا بیرلشمه سی تینچلیک بوییچه انستیتوت اجرایی رییسی ماکیل کیتینگ بیلن اوچره شدی.
سپیدار قصریده بولیب اوتگن بو اوچره‌شووده، دستلب رياست الوزراء نینگ سیاسی اورین باسری حرمتلی مولوی عبدالکبیر اروپا بیرلشمه سی نینگ افغانستانگه کورستگن یاردم لریدن منتدارچیلیک قیلیب، کیله جک ده هم اروپا بیرلشمه سی خلق ارا تشکیلات لر و نهادلر یاردمی بیلن کمک قیلیش اوچون یخشی مناسبت ده بولیشلرینی ایسته دی.
اونینگ قوشیمچه قیلیشیچه، مستقل ارگان صفتیده سیز افغانستان اسلامی امارت اروپا دولتلری و خلق ارا همجعیت اورته‌سیده گی تورلی مناسبتلرنی یخشیلش ده واسطه چیلیک رولینی اوینه شینگیز ممکن. برچه قوشنی لر بیلن یخشی مناسبتلرگه ایگه بولیشنی ایسته‌یمیز دیدی او.
مولوی عبدالکبیر نینگ ایتیشیچه، اسلامی امارت حاکمیتگه کیلمسدن آلدین افغانستان ده معمالر کوپ بولگن، اما امارت کیلیشی بیلن آدملر خوفسیزلیک دن ممنون دیر. اروپا بیرلشمه سی افغانستان توپراغی هیچ کیم گه قرشی ایشله تیلمسلیگیدن ایشانچ بیردی.
اروپا بیرلشمه سی تینچلیک بوییچه انستیتوتی اجرایی رئیسی، افغانستان اسلامی امارت و خلق ارا همجعیت بیلن مناسبتی نینگ یخشیله شیگه اشاره قیلیب، ایریم معمالر موجود بولسه- ده خوفسیزلیک نی تامینلش اوچون بیر - بیرلری بیلن همکارلیک قیلیش ضرورلیگینی تاکیدله دی.
مایکل کیتینگ افغانستان خلقی سونگگی ۴۳ ییل دوامیده اوروش نتیجه سیده ویرانه گه ایله نیشی و حاضر تینچلیکده یشش پیتی ایکنلیگینی، افغانستانده قیینچیلیکلرنی آلدینی آلیش ساحه سیده یاردملریمیز دوام ایته دی دیب قوشیمچه قیلدی.
