افغانستان اسلام امیرلیگی ریاست الوزراء دفترینینگ باشلیغی حرمتلی داکتر ملا عبدالواسع بوگون توشدن آلدین خانم شهلا هوپر المدینه دیولپمنت اِند سپلای- ال ال سی شرکتی باشلیغی و بیلن بیرگه بولگن هییت بیلن ارگده اوچرهشدی.
دستلب، المدینه دیولپمنت اِند سپلای- ال ال سی شرکتی باشلیغی اولر افغانستان خصوصی سکتوریگه سرمیایه یاتقیزیشی بوییچه بیلگیلیک بیریب ایتیشیچه، موفق تجربه دن سونگ امارتی ادارهلر سیستملرینی دیجیتالی توزهتیشیگه هم سرمایه کیریتهدی.
او، افغاستانده اسلام امیرلیگی حاکمیتگه کیلگندن سونگ کوپینچه تاثیرلی رواجلنشلر کیلگنینی ایسلب، اولرنینگ شرکتلری سرمایه یاتقیزیش اوچون موجود خوفسیزلیک وسرمایه یاتقیزیش فرصتلردن فایدهلنیشلرینی ایتدی.
خانم شهلا هوپرجمال، افغانستانده بیر خصوصی بانکده ATM کارتلر همده ویژه پرنترلرنی تیارلب بیریشی اوچون سرمایه یاتقیزگنیدن خبر بیریب هیدوو حجتلری،( لایسنس) پاسپورتلر سیستمینی الکترونیکی قیلیش و احصائیه عمومی و معلومات ادارهسیده ویژه پروژه لرنی اوتکزیلیشی اوچون سرمایه یاتقیزیشگه تیار ایکنلیکلرینی اورغولهدی.
ریاست الوزرا دفترینینگ باشلیغی ملا داکتر عبدالواسع جنابلری المدینه دیولپمنت اِند سپلای- ال ال سی باشلیغی خانم شهلا هوپر جمال و یولداشلریگه خوش کیلیبسیزلر دیگنیدن سونگ، اولرنی بو آدیملرینی آلقشلهدی.
داکتر ملا عبدالواسع جنابلری ایتیشیچه، اقتصادی، اداری و خوفسیزلیک ترماقلرده تیزیملرنی دیجیتللشتیریش زمانوی بولیشی کیرهکلی دیر، اسلام امیرلیگی افغانستان احتیاجیگه کوره اولرنی توشنگن. او کیشی خلققه قولیلیکلر یرهتیش اوچون سیستملرنی سادهلشتیرماقنی بیر مهم اولویت دیب بیلیشینی اورغولهدی.
داکتر ملا عبدالواسع جنابلری اوز صحبتلری یکونیده، مذکور شرکت باشلیغیگه سرمایه یاتقیزووچیلر اوچون برچه قولیلیکلر یرهتیب بیریشیگه ایشانچ بیریب همده اولرنی ایستکلرینی تیگیشلی ادارهلر بیلن اورتهگه قوییشیگه تاکیلهدی.#
