ریاستالوزرا اداری اورین باسریمولوی عبدالسلام حنفی جنابلری بوگون توشدن آلدین ننگرهار ولایتیگه بولگن سفری جریانیده، عمری قاچقینلر وقتینچهلیک کمپینی کوزدن کیچیردی.
اوشبو اوچرهشوو ننگرهار ولایت حاکمی حاجی محمد نعیم آخوند و بیر قطار امارت مسووللری یولداشلیگیده اوتکزیلیب، بو کمپ نینگ ایریم ترماقلری جملهدن، مهاجرلرنی ثبت و تثبیت جریانی، مسجد، ساغلیقنی سقلش مرکزی، اویلر ترانسپورت و یاردم بیرووچی موسسهلردنی کوزدن کچیریب و یقیندن قیتیب کیلگن مهاجرلرنی احوالینی سوره دیلر.
مولوی عبدالسلام حنفی جنابلری، بیر قطار مهاجرلر همده اوشبو کمپنینگ مسووللری بیلن صحبتلشیب اولرنی ایستکلرینی ایتیشگندن کیین، اولرنی قیینچیلیگی و ایستکلرینی تیزلیکده حل قیلیشیگه ایشانچ بیردی.
شونینگدیک ریاستالوزرا اداری اورینباسری مهاجرلر قیینچیلیگیگه ایشیتیش اسلام امیرلیگینینگ مسولیتلریدن ایکنلگینی اورغولهلب، ایریم ترماقلر جملهدن تورر جایلر فراهم قیلیش، باشلنغیچ خدمتلر، ایشاورینلرینی یرهتیش همده یخشیراق یششلری اوچون کیرهکلی قولیلیکلرنی یرهتیلیشیگه تأکیدلهدی.
مولوی عبدالسلام حنفی جنابلری، تیگیشلی مسووللر دن بو مسألهلرده جدی توجه قیلیشلری و بو یولده هر قندی سعی_حرکت قیلیشلرینی سورهدی.
ریاست الوزراء اداری اورین باسری اوچره شوو سونگیده قاچقینلر اداریسی ملازملریدن اولکه گه قیتگن یورتداشلرگه جدی توجه قیلیشلرینی طلب قیلیب، قاچقینلرنی کسب و کارلریگه کوره یورتیمیز رواجلنیشی اوچون حرکت قیلیشلرینی تأکیدلهدی. #
