افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر اسلام امیرلیگی نینگ بیر قنچه مسووللری همده اولکه نینگ ایریم ولایتلری قوم بویوکلری و دین عالملری بیلن اوچره‌شیب ملاقات قیلدی.
اوشبو اوچره‌شووده قیشلاقلرنی رواجلنتیریش وزیرلیگی سرپرستیدحرمتلی مولوی عبدالرحمن، شهیدلر و معلوللر وزیرلیگی اورین باسری حرمتلی ملا عبدالرزاق آخند، غور ولایتی والیسی حرمتلی مولوی دین محمد، لوگر دین عالملر کینگشی باشلیغی حرمتلی شیخ اسماعیل، لوگر امنیه قوماندانی محمد دین شاه محبت و قندهار اخبارات و مدنیت ریاستی باشلیغی انعام الله سمنگانی قوشیمچه بیر قنچه قوم بویوکلری و دین عالملری حضوری بار ایدی.
دستلب اوشبو قوم بویوکلری و دین عالملری اسلام امیرلیگی بیلن اوزلری نینگ همکارلیگیدن ایشانچ بیریب ایتیشلریچه، خلق مجاهدلری یانده‌شووی و مملکت بویلب امنیت تامینلتگنیدن خورسندلر.
اولر ایریم منطقه لرده ترقیات پروژه لر باشله‌نیشی همده اسلامی حکم تطبیق بولیشینی ایسته دیلر.
شونینگدیک ریاست الوزراء امارتی اداره‌لر مسووللری اوز فعالیتی حقیده ریاست الوزراء سیاسی اورین باسریگه معلومات بیریب، اوز بولیملریده برچه افغانستان خلقی‌گه خدمت قیلیشندن سوز بیردیلر.
کیینچه‌لیک افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر اوشبو شخصلرگه منتدارچیلیک قیلیشدن علاوه، اولرگه اوز ایشلریگه متوجه بولیشلرینی ایسته‌دی.
حرمتلی مولوی عبدالکبیرنینگ تاکیدله‌شیچه، اسلام امیرلیگی خلق بیلن یخشی یانده‌شیش و برچه اداره‌لر اهالی بیلن یقین دن علاقه ده بولیب قیین‌چیلیکلرگه وقتیتیده ییتیشسینلر.#
