افغانستان اسلام امیرلیگی ریاست الوزراء مقامی عمومی دفتری باشلیغی حرمتلی داکتر ملا عبدالواسع بوگون مشرقی ولایتلر بیر قنچه یاشلری بیلن ارگ ده اوچره‌شدی.
دستلب، ریاست الوزراء مقامی عمومی ریاستی نینگ سیاسی ومردمی ایشلر بوییچه باشلیغی مولوی گلزار احمد حقانی یاشلرگه اطمینان بیریب ایتیشیچه، اسلامی نظام اهالی اینیقسه یاشلر بیلن علاقه نی کوچه‌یتیریشده خاص توجه قیله‌دی.
سونگره داکتر محمد کریم ناصری و داکتر وفا محمد ناصری باشقه‌لر نماینده‌لیگیده صحبت قیلیب، یاشلرگه بولگن خاص توجه دن علاوه کابل - جلال آباد ایککینچی یولی نینگ قوریلیش ایشلر باشلنگنی اوچون اسلام امیرلیگیگه منتدارچیلیک قیلیب، یاشلرنی ایش جایی بیلن تامینلش، برق، اوقیتووچیلر تشکلی کوپه‌یتیریلیشی، یاشلر کینگشلری انسجامی، یرم قالگن ننگرهار هوا قونالغه‌سی ایشی باشله‌نیشی و خصوصی شفاخانه‌لر کوپراق نظارت بولیشی کبی موردلرده اوز قیینچیلیکلرینی شریک قیلدیلر.
ریاست الوزراء مقامی عمومی دفتری باشلیغی حرمتلی داکتر ملا عبدالواسع یاشلرنینگ حمایتیدن منتدارچیلیک قیلیب، اوشنده‌یکه ییگیرمه ییللیک اشغال پیتیده مبازره‌گه یاشلر اسلامی نظام برقرارلیگی اوچون قربانلیک بیردیلر و حلی مملکت آبادانلیگی و اسلامی نظام دایمی قالیشی اوچون یاشلرنینگ مهم روللری بار دیدی.
حرمتلی داکتر ملاوعبدالواسع کابل - جلال آباد یولی نینگ ایککینیچی بولیمی قوریلیش ایشی باشله‌نیشی باره‌سیده اشاره قیلیب، بوتون مملکت ده ایچکی درآمددن ییریک قیته قوریش و ملی پروژه ایش جریانی بار و اسلام امیرلیگی سرمایه کیریتیش اوچون لازم آسانلیک یره‌تگن دیدی.
اوچره‌شوونینگ سونگیده حرمتلی داکتر ملا عبدالواسع مشرقی ولایتلر یاشلریگه قیینچیلیک همده پیشنهادلری تیکشیریله‌دی دیب اطمینان بیردی.#
