افغانستان اسلام امیرلیگی ریاست الوزراء سیاسي اورین‌باسری مولوی عبدالکبیر بوگون اوز ایش دفتریده چین نینگ افغانستانده‌گی ایلچیسی جناب جاو شینگ و اونینگ هیئتسی بیلن اوچره‌شدی.
اوشبو اوچره‌شووده چین ایلچیسی جاو شینگ افغانستانده اقتصادي و تجارت لایحه‌لری اوچون زمین یره‌تیلگنینی ایتیب، ایکّی دولت نینگ تورلی ساحه‌لرده‌گی همکارلیگی و رواجلنیشینی تاکیدله‌دی.
اونینگ سوزلریگه کوره، چین نینگ افغانستانگه تجاری صادراتی ییلده ۱۱.۵ فایزگه آشگن و کیلگوسی ییلده بو کۉرسه‌تکیچ ۲۵ فایزگه آشیشینی کوتماقده.
چین ایلچیسی دسامبر آییده صادراتگه افغانستان و چین حکومتی سالیقدن آزاد قیلینیشینی، شو نینگ اوچون کوپلب افغانلر اوز محصولاتلرینی چینگه صادر قیلیش امکانیتی پیدا بولیشینی ایتدی.
اونینگ سوزلریگه کوره، اونینگ مملکتی تاجیکستان و افغانستان اورته‌سیده ینگی اقتصادي کوریدور آچیشنی ریجه‌لشتیرماقده، بو نینگ اوچون ایکّی دولتنی فعاللشتیریش بوییچه ایشلر آلیب باریلماقده.
جناب جاو شینگ افغانستانده‌گی سونگگی اوزگریشلرگه توخته‌لیب، چین افغانستان نینگ تورلی حدودلریگه سرمایه کیریتیش و لایحه‌لرنی عملگه آشیریش ایسته‌گیده ایکنلیگینی ایتدی.
اونینگ قوشیمچه قیلیشیچه، چین خلق‌ارا ییغینلرده افغانلرنی رواجلنتیریشگه چقیرگن و خلق‌ارا همجمعیتدن افغانستانده لایحه‌لرنی عملگه آشیریشنی سوره‌گن. شونینگدیک، اوشبو اوچره‌شووده معمالرنی حل قیلیش اوچون بحث و مذاکره‌لر آلیب باریشنی سوردی.
ریاست الوزراء سیاسي ایشلر اورین‌باسری، محترم مولوی عبدالکبیر چین نینگ افغانستانده‌گی ایلچیسی جناب جاو شینگ و یولداش هیاتنی خوش کیلیب سیز دیب، افغانستان نینگ اقتصادي رواجلنیشینی یوقاری بهاله‌دی و قوشنی دولتلر خلقیدن هم شونده‌ی قیلیشنی سوردی.
سیاسي اورین اورین باسری چین گه اسلام امیرلیگی بوییچه خلق‌ارا مقیاسده‌گی موقفی اوچون منّتدارچیلیک بیلدیردی و بو دوام اېپبتیشیگه امید بیلدیردی.
او اوز نطقیده ایکّی دولت اورته‌سیده‌گی مناسبتلرده‌گی ایجابي اوزگریشلرنی، بوپپ ایسه اقتصادیات و سودا ساحه‌لریده سیزیلرلی اوسیشگه آلیب کیلیشینی تاکیدله‌دی.#
