افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون شاه و عروس سوو توغانی نینگ آچیلیش لایحه سی مراسمیده اشتراک قیلیب نطق سوزله دی.
بو ییغین ده ریاست الوزراء اقتصادی اورین باسری حرمتلی ملا عبدالغنی برادر، ریاست الوزراء اداری اورین باسری حرمتلی مولوی عبدالسلام حنفی، سوو و انرژی وزیرلیگی سرپرستی عبداللطیف منصور، ادار امور باشلیغی شیخ نورالحق انور و ایریم اداره لرنینگ مسووللری قتنشگن ایدیلر.
ریاست الوزراء سیاسی اوز نطقیده اوشبو توغان قوریلیشیدن خورسندلیگینی بیلدیریب، مذکور لایحه افغانلر اوچون کتّه امید ایکنلیگینی و حاضرده او حقیقتگه ایلنگنینی قوشیمچه قیلدی.
محترم مولوی عبدالکبیر اوز نطقیده سوو باشقریلیشی و زراعتی محصولات ایشلب چیقریشی نینگ آرتیب باره‌یاتگنیگه اشاره قیلیب، شاه و عروس توغانلری نینگ قوریلیشی کابل و شکر دره نینگ اوچته اولسواللیگب سوو معمالرینی حل ایتیشینی قوشیمچه اقتصادي ترقیات، صنعت یوکسه‌لیشی، زراعت ساحه‌سی یوکسه‌لیشیگه امید بیلدیردی.
اونینگ سوزلریگه کوره، اسلام امیرلیگی افغانستان نینگ اقتصادي مستقللیگی اوچون ایچکی منبعلردن فایده‌لنماقده و صنعت سکتورینی جانلنتیریش طرفداری و افغانستان نینگ اقتصادي رواجلنیشی و قوریلیشیگه زمین یره‌تیشینی همده مملکت نینگ وارد قیلینه‌دیگن برق انرژیسیگه قره‌ملیگینی کمه‌یتیریشینی تأکیدله‌دی.
حرمتلی مولوی عبدالکبیر اوتگن ییگیرمه ییل ایچیده مملکتده‌گی صنعت پارکلری، کارخانه و فابریکه لر برق قوّتی ییتیشمسلیگی طفیلی ویران بولگن، بیراق اسلام امیرلیگی افغانستان ملي اقتصادیاتینی جانلنتیریش و مستحکملشگه بیل باغلگن.
شونینگ دیک ریاست الوزراء سیاسی اورین باسری سوزلریگه کوره، بوگونگی کونده اسلام امیرلیگی دنیا نینگ کوپلب دولتلری بیلن یخشی علاقه‌ده بولیب، بو همکارلیک ینه‌ده کینگه‌یماقده، دولت و تشکیلاتلر وکیللری کابلگه تشریف بویورماقده.
محترم مولوی عبدالکبیر اسلام امیرلیگی سیاسي و حربي ساحه‌ده آلغه اینتیله‌یاتگنینی، هېچ کیم بیلن اوروش یاکه عداوتنی ایسته‌مسلیگینی، لیکن اوز ییر بوتونلگینی و خلقینی حمایه قیلیش مسوولیتی بارلیگینی ایتدی.
ریاست الوزراء سیاسی اورین باسری بیزنینگ پیامیز، همکارلیک پیامی، بیز اوزیمیزگه حتی منطقه گه خوفسیزلیک ایسته‌یمیز، اقتصادی همکارلیک آلدی بیردیگه ایشانه میز و منطقه یی پروژه لرنی عملگه اشیریش بیلن منطقه ثبات نی خواهله‌یمیزدیدی. حرمتلی مولوي عبدالکبیر نینگ ایتیشیچه، اَیریم دولتلر ایچکی سیاستده‌گی موفقیتسیزلیکلریده اسلام امیرلیگینی عیبله‌مسلیکلری و منطقوي ترتیب و برقرارلیکنی بوزمسلیکلری کیره‌ک.
ریاست الوزراء سیاسی اورین باسریفغانستان برقرارلیگی منطقه و دنیا منفعتیگه ماس کیله‌دی و فقط اسلام امیرلیگی افغانستانگه خوفسیزلیک و برقرارلیکنی آلیب کیلگن. اونینگ سوزلریگه کوره، سونگگی بیش اون ییللیکده بوتون مملکت اوستیدن فقط اسلام امیرلیگی حکمرانلیک قیلگن، مملکت بویلب امنیتنی تامینله‌گن و اوزی نینگ ایچکی و تشقی سیاستیگه یاروغ موقفیمیز بار.
ریاست الوزراء سیاسی اورین باسری، افغانستانگه نسبتاً یخشی نیتده بولمه‌گن و افغانستانگه باسیم اوتکزیش آرقه‌لی اوز مقصدلریگه ایریشماقچی بولگنلرنی افغانستان تاریخینی قیته‌دن اوقیب چیقیشگه و بو حقده اویلشگه تکلیف قیله‌میز، دیدی.#
