افغانستان اسلامی امارت ریاست الوزراء اداری ایشلر بوییچه معاونی حرمتلی مولوی عبدالسلام حنفی بوگون کیچقرون اوزی نینگ ایش دفتریده افغانستان اوچون بیرلشگن ملتلر تشکیلاتی نینگ نماینده سی خانم دیبورا لاینز و اونینگ یولداش هیاتی بیلن اوچره شیب ملاقات قیلدی.
باشله نیش ده خانم دیبورا لاینیز دوحه ده افغانستانگه یاردم کورسته دیگن دولتلر و مرکزی آسیا اولکه لریگه بولگن سفری باره سیده معلومات بیردی.
او، شونینگدېک، دونر دولتلر تامانیدن افغانستان زراعتی سیستمیمنی مستحکملش بوییچه اورته مدتلی استراتیژينی ایشلب چیقیش بوییچه آلیب باریله یاتگن بحثلر، زراعت سکتورینی حمایت ایتیش، بانکی مساله لرگه ییتیش، ینگی دن بعضی منطقه مملکتلریده ثبت بولگن وبا خصوصیده گی تیارگرلیک باره سیده بحث قیلدی.
ریاست الوزراء اداری ایشلر بوییچه معاونی حرمتلی مولوی عبدالسلام حنفی افغانستان ده گی بشری وضعیتگه بولگن توجه همده سعی و حرکت اوچون خانم دیبورالانیزنی آلقیش لیب بانک چیلیک همده زراعتی سیسم کوچه یتیریلیشی اوچون موجود توسیقلر تیزلیک ده کوتریلیشی نی سوره دی.
جناب حنفی اسلامی امارت نینگ قوشنیلری، منطقه و دنیا بیلن یخشی علاقه لرینی اورنه تیشگه ینه بیر بار تاکیدلب، اسلامی امارت برچه بیلن اوز ارا حرمت اساسیده مناسبتلرنی رواجلنتیریش طرفداری ایکن لیگینی ایتدی.
ریاست الوزراء اداری اورین‌باسری اوز سوزلری نینگ سونگگیده اسلامی امارت اوزی نینگ پالیسی سی اساسیده هیچ بیر مملکت ایشیگه اره لشمه یدی و باشقه مملکتلردن هم افغانستان ایچکی ایشلریگه اره لشمسلیک نی ایسته یدی دیدی.
