افغانستان اسلام امیرلیگی ریاست الوزاء مقامی عمومی ریاستی نینگ باشلیغی حرمتلی داکتر ملا عبدالواسع بوگون توشدن آلدین قندوز، تخار و بدخشان ولایتلری نینگ بیر قنچه یاشلری بیلن ارگ ده اوچره شدی.
بو اوچره شووده بیرینچیدن ریاست الوزراء عمومی ریاستی نینگ سیاسی و مردمی ایشلر بوییچه باشلیغی مولوی گلزار احمد حقانی مذکور یاشلرنی خوش کیلیب سیزلر دیب ایتیشیچه، بوگون بیزلر جامعه نینگ مهم قشری بیلن اوچره شه پمیزکه اولر گه تورلی بولیملرده ضرورت بار دیر. اوشنده یکه یاشلرنینگ بیر جامعه ده اهمیتی کوپ دیر شونینگدیک اولرنینگ جامعه برابریده خذمت قیلیش اوچون هم آغیر مسوولیتلری بار.
کیینچه لیک داکتر روح الله امانی و مولوی منهاج الله فایق مملکت شمال و شمال شرق زونی یاشلری نماینده لیگیده صحبت قیلیب، یاشلر رواجلنگن و خذمت قیلووچی بیر نظام نینگ ساختاریده بو قشرنینگ اصلی و اساسی رولی بوله دی، دیمک اسلام امیرلیگی یاشلرنینگ قیین چیلیگی و معماسینی حل قیلیشنی اوزی ایشلری نینگ اولویتیگه آلیب اونی حمایت قیلیشی کیره ک دیدیلر.
شونینگدیک اولر تعلیم و تحصیل اوچون مناسب شرایط ایجاد بولیشینی ایستب ایش سیزلیک قیینچیلیگی حل بولیشی و یاشلرمهاجرتی نینگ آلدی آلینیشینی سوره دیلر و عین حالده مملکت شمال شرق زونی مردمی نینگ تورلی بولیملر جمله دن یوللر، برق، ایکینچیلیک و چارواچیلیک قیینچیلیکلرینی تیلگه آلدیلر.
ریاست الوزراء مقامی عمومی ریاستب باشلیغی حرمتلی داکتر ملا عبدالواسع اوشبو یاشلرنی خوش کیلیب سیزلر دیب ایتیشیچه، ریاست عمومی دفتری حکومت و ملت اورته سیده گی کوپریک دیر و هر دایم اولرنینگ قیینچیلیکلری برطرف ایتیلیشی توغریسیده ییغینلر اوتکزیب کیلگنلر.
سونگگی ییگیرمه ییل اشغال زمانیده یاشلرگه هیچ توجه بولمه گن دییه دیلگه آلگن حرمتلی داکتر ملا عبدالواسع افغانستان نینگ بنیادی کوچیتیریش و یاشلرنی دایمی ایش جایلری بیلن تامینلش اوچون فابریکه لر ایجاد بولمه گن و اساسی پروژه لر قولگه آلینمگه دیب ایتیشچیه، هر بیر ملت نینگ یاش قشرگه ضرورتی بار و اسلام امیرلیگی ایسه مملکت آبادانلیگی اوچون مملکت نینگ تورلی منطقه لریده قیته قوریش پروژه لرنی باشله گن.
شونینگدیک ریاست الوزراء مقامی عمومی ریاستی باشلیغی نینگ کوپه یتیریشیچه، اسلام امیرلیگی نینگ مسووللری اوزلری نینگ ییغینلریده تاجرلر همده ایچکی و تشقی خیریه تشکیلاتلر مسووللریدن سرمایه یاتقیزیش و افغانستان ده فابریکه ایجاد قیلیشنی تاکیدله یدیلر تاکه یاشلر ایش جایلری بیلن تامینلنسه‌لر.
شونینگ بوندن نیچه وقت آلدین ایش ملی کنفرانسی اوتکزیلدی بونگه امیرلیک نینگ تورلی اداره لری اشترک قیلدیلر کنفرانس دن مقصد مملکت یاشلری و مردم گه ایش فرصت لرینی یره تیش ایدی.
حرمتلی داکتر ملا عبدالواسع اوزی نینگ سوزلری اداغیده یاشلرگه خطاب قیلیب ایتیشیچه، سیزلرنینگ ایستکلرینگیز افغانستان خلقی نینگ آسایشته لیگی اوچون دیر و قیین چیلیکلرینگیز حل بولیشی اوچون تیگیشلی اداره لر برچه امکانیتلردن فایده لنه دیلر.#
