افغانستان اسلام امیرلیگی ریاست الوزراء سیاسي اورین‌باسری حرمتلی مولوی عبدالکبیر بوگون اروپا ببرلشمه‌سی نینگ افغانستان بوییچه شارژدافیری وی رونیکا بوسویک پوهار و یولداش هایتی بیلن تعارفی اوچره‌شووی اوتکزدی.
بیرینچیدن بوسویک پوهار خانیم اروپا بیرلشمه‌سی نینگ افغانستانده‌گی فعالیتی حقیده گپیریب، اروپا بیرلشمه‌سی افغانلرگه تورلی ساحه‌لرده انسانپرورلیک یاردمینی کورسه‌تیشده دوام ایتیشینی و موجود قیینچیلیکلر حل ایتیلیشی‌نینگ طرفداری دیدی.
او، اسلام امیرلیگی و اروپا بیرلشمه‌سی اورته‌سیده‌گی مناسبتلرگه علیحده توخته‌لیب، اروپا بیرلشمه‌سی ضرور ساحه‌لرده اوز فعالیتینی ثمره‌لی آلیب باریشگه حرکت قیلماقده.
ریاست الوزراء سیاسي اورین‌باسری حرمتلی مولوی عبدالکبیر اروپا بیرلشمه‌سی نینگ افغانستانده‌گی ایشلری بوییچه شارژدافیری و اونگه همراه بولگن هیاتنی خوش کیلیب‌سیزلر دیب، اروپا بیرلشمه‌سی نینگ یاردمی اوچون اوز منّتدارچیلیگینی بیلدیریب، اسلام امیرلیگی بوتون دنیا اولکه‌لری بیلن ثمره‌لی علاقه‌ده بولیشنی ایسته‌یدی دیب ایتدی.
حرمتلی سیاسي اورین اسلام امیرلیگی اوز بودجه‌سی حسابیدن مملکتنی قَیته قوریشنی باشله‌گن و اقتصاد بوییچه اوزینی-اوزی تأمینلش اوچون حرکت قیلینه‌یاتگنینی قوشیمچه قیلدی.
حرمتلی مولوی عبدالکبیر اسلام امیرلیگی نینگ دنیا بیلن علاقه‌لرینی یوکسه‌لیش جریانده دییه تاکیدلب، افغانستانده‌گی کوپلب تشقی ایلچیخانه‌لر فعالیتی بیلن بیر قطارده اسلام امیرلیگی نینگ خارجده‌گی ۴۰ ته سیاسي نماینده‌لیکلری هم بارلیگینی تیلگه آلدی و بونینگ سانی آشماقده دیب قوشیمچه قیلدی.
ریاست الوزراء سیاسي اورین باسری اروپا بیرلشمه‌سیدن افغانستانگه رواجلنیش، مخدر ماده گه قرشی کوره‌ش، مقابل ییتیشتیریش، ایش امکانیتلری و مخدرماده‌گه بیریلگنلرنی دوالش کبی ساحه‌لرده یاردم بیریشنی سوردی و اسلام امیرلیگی یالغوز اوزی مخدرماده‌گه قرشی کوره‌شه‌یاتگنینی ایتدی. او لو باره‌ده خلق ارا یاردمنی ثمره‌لی دیب بیلدیردی.
حرمتلی مولوی عبدالکبیر اوزی نینگ سوزلری اداغیده اسلام امیرلیگی دنیا افغانستان توپراغی نینگ تهدید بیلن باغلیق برچه تشویشلرینی کوریب چیققنینی توشونتیردی.#
