افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین کابینه اعضالری و افغانستان اسلام امیرلیگی باشقه مسووللری حضوریده معارف وزیرلیگی تامانیدن ینگی تعلیمی ییل باشله نیشی مناسبتی بیلن اوتکزیلگن مراسم ده اشتراک قیلیب نطق سوزله دی.
ریاست الوزراء اداری اورین باسری بیرینچیدن افغانستان اسلام امیرلیگی معارف وزیرلیگی رهبرلیک هیاتی اینیقسه مذکور وزیرلیک سرپرستی حرمتلی الحاج مولوی سید حبیب الله آغا دن بو شکوهلی مراسم اوتکزیلیشی اوچون تشکرلیک قیلدی.
حرمتلی مولوی عبدالسلام حنفی نینگ ایتیشیچه، بوگون خوشلیک اورنی دیرکه ینگی تعلیمی ییل نی شاگردلر و افغانستان ملتی نینگ عزیز باله لری اوچون باشله یمیز.
او ینگی تعلیمی ییل نی متعلملر، شاگردلر، حرمتلی آته آنه لر، قدرلی استادلر، معارف وزیرلیگی بوتون مسووللری و برچه افغانستان مردمیگه تبریک ایتیب و برچه اوقووچیلر، استادلر و معارف ایشلاوچیلریگه الله تعالی دربایدن موفقیت و کامیابلیک استدعا قیلدی.
ریاست الوزراء اداری اورین باسری نینگ اوقووچیلرگه خطاب قیلیب ایتیشیچه، بیلیم و دانش اورگنیش اوچون وقت لرینگیزدن یخشی صورتده فایده له نیگ، وقت و فرصتلرینگیزنی ضایع ایتیش دن واز کیچینگ تاکه کیله جک ده رنج کورگن عزیز افغانستان ملتیگه خذمتچی بولینگلر.
اونینگ معلملریگه خطاب قیلیشیچه، بو ییریک مسوولیت و اسلامی مکلفیت سیزلرنینگ بوینگیزده دیر تاکه امانتدارلیک بیلن افغانستان ملتی فرزندلرینی اسلامی و وطن دوستلیک روحیه سیده تعلیم بیرینگلر تاکه اولر هم کیله جکلرده اوز اولکه و مردملریگه خذمتچی بولسینلر.
حرمتلی مولوی عبدالسلام حنفی جنابلری اوزی نینگ صحبتلری باشقه بولیمیده معارف وزیرلیگی مسووللری و ایشلاوچیلریگه خطاب قلیب، بو مملکت فرزندلری تعلیمی احتیاجلرینی قاندیره دیگن جواب گوی و صفتلی بیر سیستم ایجاد قیلیش اوچون معارف وزیرلیگی نینگ مسووللری و ایشلاولریگه لازم دیرکه معارف نینگ صفت و سان جهت دن یخشی له نیشی اوچون تعلیمی نصاب تدوین بولیشی، لایق استادلرنی اسخدام قیلیش، لابراتوارلر تیارله نیشی و باشقه اوقوو قوراللری تیارله نیشی قوشیمچه عزیز استادلر قابلیتی آشیریلیشی و سواد آموزلیککه تیگیشلی مساله لرنی نظارت، درس جریانی همده دینی و عمومی درس صفتی جریانینی کوزه تیش اوچون جدی تلاش قیلیشلرینی سوره دی.
حرمتلی مولوی عبدالسلام حنفی اوزی نینگ صحبتلری اداغیده رنج کورگن افغانستان متعالی، ترقیاتگه ایریشگن و افغانستان مردمی نینگ تعلیمی ضرورتلریگه جواب بیره دیگن بیر معارف بولیشیگه امید بیلدیردی و بو مقصدگه ایریشیش اوچون معارف وزیرلیگی مسووللری و عزیز استادلرگه موفقیت و کامیابلیک ایسته یمیز دیدی.
ایتیش کیره ک که حاضرگی کونده اسلام امیرلیگی تورت یوزمینگ ایشلاوچی، قیرق تورت مینگ مدرسه و مکتب ده تعلیم آله دیگن اون میلیون متعلم ایکی یوز ایلیک مینگ استادلر بیلن اولکه فرزندلریگه خذمت قیلیش شغللنه دی.
