افغانستان اسلام امیرلیگی ریاست الوزراء عالی مقامی عمومی دفتری نینگ باشلیغی حرمتلی داکتر ملاعبدالواسع بوگون توشدن آلدین لوگر ولایتی محمدآغه اولسواللیگی عالملری و قوم بویوکلری بیلن اوچره‌شیب ملاقات قیلدی.
بیرینچیدن ریاست الوزراء عالی مقامی عمومی دفتری نینگ سیاسی همده مردمی ایشلر بوییچه باشلیغی حرمتلی مولوی گل‌زار احمد حقاتی اوشبو عالملر همده قوم بویوکلرینی خوش کیلیب‌سیزلر دیب، اجتماع نینگ تورلی قتلمی نماینده‌لری بیلن بونده‌ی اوچره‌شیشدن مقصد ایستکلرنی ایشیتیش و اونگه تیگیشلی اداره‌لر مسووللری آرقلی تیرگش دیر دیدی.
سونگره ریاست الوزراء عالی مقامی عمومی دفتری‌نینگ جماعتچیلیک و استراتیژیک علاقه‌لر بوییچه اورین‌باسری جناب قاری عبدالستار سعید عالملر، آقسقاللر و بیلیمدان یاشلر نینگ جمعیتده‌گی مهم رولیگه توخته‌لیب، اسلام امیرلیگی اولر نینگ رولینی جوده مهم دیب بیلیشینی تأکیدله‌دی. شو نینگ اوچون هم بو اوچره‌شوولر اوتکزیلیب، اولر نینگ تکلیف و مصلحتلری ایشیتیلیب، نظام خبرلری آدملرگه ییتیب باریشی کیره‌ک.
شونینگدیک، مولوی عبدالفتاح، مولوی فیض احمد، برشنا شرکتی باشلیغی مولوی محمد فهیم منصور، محمد آغه اولسواللیگی اولسوالی حرمتلی مولوی محمد ایوب خادم، حاجی ظاهر خان احمدزی و انجنیر شیر رحمن لر باشقه‌لر نامیدن صحبت قیلیب، جهاد ییللریده محمد آغع اولسواللیگیده‌گی خلق نینگ مشقت و قیینچیلیکلرینی تیلگه آلدیلر.
شونینگدیک اولر، صحبت قیلگنلر محمدآغه اولسواللیگیده یول قوریلیشی، برق تأمیناتی، ساغلیقنی سقلش مرکزلری، مسس عینک کانیده یاشلرگه ایش جایی بیلن تأمینلش ضرورلیگی تیلگه آلیندی.
ریاست الوزراء عالی مقامی عمومی دفتری باشلیغی حرمتلب داکتر ملا عبدالواسع اولرنی خوش کیلیب سیزلر دیب ییگیرمه ییللیک جهاد و اشغال توگه‌شی دوریده مملکت نینگ هر بیر منطقه‌سی، جمله‌دن محمدو آغه اولسواللیگیده‌گی مجاهدلر ، قیینچیلیکلرنی باشدن کیچیردی و کوپ قربانلیکلر بیردی، بیز و بوتون خلق بونی قدرله‌یمیز دیدی. اونینگ قوشیمچه قیلیشیچه، آدملر تیزیم نینگ برقرارلیگی اوچون سعی-حرکتلرینی دوام ایتتیریشلری کیره‌ک.
ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع نینگ ایتیشیچه، عالیقدر امیرالمومنین حفظه الله، رییس الوزراء و برچه بویوکلرینگ خلققه همدردلیگی، مملکتگه نسبتاً کینگ قره‌شلری بارلیگینی تأکیدله‌دی. او هر دایم ضرور قوله‌یلیکلر و اصلاحاتلرنی تأمینلش حقیده اویله‌یدی و حرکت قیله‌دی. او مملکت نینگ هر بیر گوشه‌سی نینگ معمالرینی حل ایایشدن منفعتدار.
تورلی طبقه و خلق نماینده‌لری اوز مصلحت و التماسلرینی بیز بیلن یقیندن به‌هم کوره‌یاتگنیدن خورسندمیز، دیب توشونتیردی. افغانستان اسلام امیرلیگی موجود امکانیتلرنی انابتگه آلگن حالده تورلی ساحه‌لرده‌گی خلق معمالریگه مراجعت قیله‌دی. قیسقه وقت ایچیده برق، یوللر و باشقه آبادانلشتیریش لایحه‌لرینی عملگه آشیریشده کوپلب ایشلر عملگه آشیریلدی.
حرمتلی داکتر ملا عبدالواسع سوزلری نینگ سونگیده افغانستاننی عمومي اوی دیمیز و هر بیر معماگه اوزیمیزنی تارته‌میز، کبله‌جک اوچون بو فکرنی به‌هم کوره‌میز، دېدی. شونینگدیک، محمد آغه اولسواللیگی علمالری و بویوکلریگه مراجعت قیلیب، معمالرینگیز کیره‌ک بولگنده تیگیشلی اداره‌لر و مشرتابه‌گه ییتکزیلیشینی ایتدی.#
