افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناون توشدن کیین بیرلشگن ملتلر تشکلاتی کابی نینگ اورین باسری خانم آمنه محمد باشچیلیگیده کیلگن هیات بیلن ارگ ده اوچره شیب ملاقات قیلدی.
بیرلشگن ملتلر تشکیلاتی نینگ افغانستان اوچون مخصوص نماینده سی خانم روزا اوتنبیایا هم حضوری بولگن بو اوچره شووده، خانم آمنه محمد خاتین – قیزلرنینگ تحصیلی و ایش توخته تیلگنی باره سیده اورته گه چیققن مساله باره سیده اوز خواطرینی بیلدیریب اوشبو مساله حل قیلینیشی نی سوره دی.
اونینگ کوپه یتیریشیچه، افغانستانلیک عیاللر بیلن چیت ایلده اوچره شگن اولر افغانستانده فعالیت قیلیش شرایط یره تیلگن تقدیرده، مملکت گه قیتیشنی ایتگنلر.
خانم آمنه محمد نینگ سوزلریگه کوره، ایریم بولیملرده خاتین قیزلرنینگ فعالیتیگه احتیاج بار، بنابرین یوزه گه چیققن قیین چیلیک صحبتلر اوتکزیلیشی بیلن حل ایتلیشی کیره ک دیر. اونینگ کوپه یتیریشیچه، بیزلر افغانستانگه یاردملر کوپه یتیریلیشی یانیده، بو مملکت دنیا نینگ فعال عضوی بولیشینی ایسته میز. افغانستان کیله جکی بو مملکت یاش قتلمی نینگ تعلیمیگه توغریدن توغری تیگیشلی دیر دیدی.
سونگره بیرلشگن ملتلر تشکیلاتی نینگ عیاللر بولیمی اجرائیه رئیسی سیما باهوس افغانستانگه بوله دیگن یاردملر خاتین قیزلرنینگ ایشی همده فعالیتیگه تیگیشلی دیر دیدی. خاتین قیزلرگه افغانستان فرهنگ و ارزشلری آیدینلیگیده یوللر قیدیریلیشی ضرور. اونینگ سوزلریگه قره گنده، حاضرگی کونده افغانستان بویلب ۱۱.۶ میلیون افغان نینگ جدی بشری یاردملرگه احتیاجی بار.
ریاست الوزراء اداری اورین باسری حرمتلی مولوی عبدالسلام حنفی بیرلشگن ملتلر تشکیلاتی هیاتینی خوش کیلیب سیزلر دیب، بیرلشگن ملتلر تشکیلاتی نینگ ساغلیق، تعلیم و ایکینچلیک بولیملریگه کورستگن یاردملریدن منتدارچیلیک قیلیب، بیرلشگن ملتلر تشکیلاتی قاره لیست حذف ایتیلیشی، اسلام امیرلیگی رسمیتگه تانیلیشی و بیرلشگن ملتلر تشکیلاتیده افغانستان نینگ دایمی چوکیسی اسلام امیرلیگیگه تاپشیریلیشی اوچون لازم درجه ده توجه و همکارلیک قیلمه گن دیدی.
ریاست الوزراء اداری اورین باسری نینگ کوپه یتیریشیچه، افغانستانده اوزاق ییللردن بیری دوام ایتگن اوروش نتیجه سیده میلیونلب انسان مهاجر، بیش میلیون انسان مخدرماده گه بیرلیگن و بولرنینگ بیر میلیونی خاتین لر و باله لر تشکیل ایته دی. او، اوروش، قشقاقلیک و قورغاقچیلیک سبب بوگون افغانستانلیکلرنینگ کوپینچه سی بیرلشگن ملتلر تشکیلاتی نینگ یاردمیگه ضرورتی بار دیدی.
حرمتلی مولوی عبدالسلام حنفی جنابلری امیرالمومین شیخ هبت الله اخندزاده حفظه الله آرقه لی عمومی عفو اعلان قیلینگنی توغریسیده اشاره قیلیب ایتیشیچه، اسلام امیرلیگی حاکمیت گه کیلگن دن بیری مملکت بویلب خوفسیزلیک تامینلگن، اداری فساد اورته دن کیتگن، مخدر ماده نینگ قاچاق و ایکیلیشی نینگ آلدی آلینگن و اسلام شریعتی چهارچوبه سیده خاتینلرنی حقوقیگه حرمت قیلینگن باشقه بولیملرده هم مثبت آدیملر کوتریلگن دیدی.
شونینگدیک ریاست الوزراء اداری اورین باسری اوزی نینگ صحبتلری اداغیده، اسلام امیرلیگی ساغلیق، تعلیم و تربیه، امنیت، خاتینلر حقوقی بولیمیده کوپگینه ایشلرنی بجرگن دیر و مردم گه یخشی و آسانلیک بیلن خذمت قیلیش اوچون دییرلی سعی و حرکتلرنینگ دوامی بار دیدی.
اونینگ تاکیدلب ایتیشیچه، دنیا جماعه چیلیگی اوزی نینگ یاردملرینی سیاسی مساله لرگه باغله مس لیگی کیره ک، چونکه بو ایش دن ینه هم خاتین قیزلر کوپراق زیان کوره دی و بو توغریده اورته گه چیققن قیین چیلیک ایسه مذاکره و صحبتلر آرقه لی حل قیلیشینی یخشی دیر
