افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر بوگون اسلام امیرلیگی نینگ یوقاری مرتبه لی هیاتی باشچیلیگیده ایکی کونلیک سفریده کابل دن ازبکستان پایتختی تاشکند باردی.
اوشبو سفرده کانلر و پترولیم وزیرلیگی سرپرستی ملا هدایت الله بدری، ترانسپورت و هوا یوللر وزیرلیگی سرپرستی ملا حمیدالله آخندزاده، صنعت و تجارت وزیرلیگی سرپرستی الحاج نورالدین عزیزی، ایکینچیلیک، چارواچیلیک و سوغاریش وزیرلیگی سرپرستی مولوی عطاءالله عمری، د افغانستان بانک رییسی الحاج نورالدین آغا، مالیه وزیرلیگی نینگ درآمد و گمرکات معینی مفتی عبدالمتین سعید و سکتوری اداره لرنینگ نماینده لری ریاست الوزراء اقتصادی اورین باسری نی بو سفرده یولداشلیک قیله دیلر.
اوشبو سفر دن مقصد افغانستان و ازبکستان اورته‌سیده سیاست، اقتصاد، تجارت و ترانزیت‌نی رواجلنتیریش و افغانستانگه تورلی بولیملرده سرمایه‌لرنی جلب ایتیش مقصدیده هر ایکی تامان نینگ بحث قیلیب فکر المشتیریشی کوتیله‌دی.#
