افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ بادغیس ولایتی امینه قوماندانلیگی نینگ خوفسیزلیک آمری حرمتلی قاری حفیظ‌الله پهلوان بیلن اوچره‌شدی.
اوچره‌شووده دستلب حرمتلی قاری حفیظ‌الله پهلوان ولایت امنیه قواماندالیگی نینگ ایش و فعالیتلری و یوتوقلری حقیده ریاست الوزراء اداری اورین باسرلیگی مقامیگه گزارش بیردی.
اونینگ سوزلریگه کوره، بو ولایت ده اسلام امیرلیگی نینگ مسووللری همده مجاهدلری بوتون کوچلری بیلن مردم گه خدمت قیلیش، امنیت تامینله‌نیشی و اهالی آسایشته‌لیگی یولیده تلاش قیله دیلر.
شونینگدیک حرمتلی قاری حفیظ الله قتناو یوللر و بادغیس ولایتده رواجله‌نیش پروژه‌لر یولگه تشله‌نیشی باره‌سیده اشاره قیلیب، اسلام امیرلیگی مسووللریدن اوشبو موضوعلرگه اعتبار قره‌تیشلرینی سوره‌دی.
سونگره ریاست الوزراء اداری اورین باسری حرمتلی مولوی عبدالسلام حنفی خوفسیزلیکنی تامینلش، تورلی بولیملرده اهالیگه خدمت قیلیش اسلام امیرلیگی تعهدلریدن دیر و مسووللر بو باره‌ده آلدین دت کوره تلاش ایته‌دیلر دیدی.
حرمتلی مولوی عبدالسلام حنفی، بادغیس ولایتی امنیه قوماندانلیگی خوفسیزلیک آمری تیلگه آلگن موضوعلر حقیده اسلام امیرلیگی اوزی نینگ بار امکاناتی بیلن بو باره‌ده لازم چاره تدبیر کوره‌دی دیب کوپه‌یتیردی.#
