افغانستان اسلام امیرلیگی ریاست الوزراء مقامی دفتری نینگ عمومی باشلیغی حرمتلی داکتر ملا عبدالواسع بوگون توشدن آلدین کابل ولایتی نینگ بیر قنچه یاشلری بیلن ارگ ده اوچره شدی.
بیرینچیدن سیاسی و مردمی ایشلر بوییچه باشلیغی حرمتلی مولوی گلزار احمد حقانی مذکور یاشلرنی خوش کیلیب سیزلر دیب ایتیشیچه، بیزلر مملکت نینگ تورلی قتلمی بیلن اوچره شگنیمیزده اولرنینگ قیینچیلیکلری و نظرلرینی دقت بیلن ایشیتگن میز و خورسندمیزکه بوگون یاشلرنینگ ایستک و پشنهادلرینی تینگله یمیز.
سونگ حامد جهانی و عبدالقهار چهاردهی وال باشقه لر نماینده لیگیده گپیریب مملکت ده اسلامی نظام حاکمیتی و مملکت بویلب امنیت تامینلنگنیدن خوشلیک اظهار قیلیب اوزلری نینگ اسلام امیرلیگیدن تولیق حمایتلرینی بیلدیردیلر. اولرنینگ قوشیمچه قیلیشیچه، افغانستان فوق العاده یاش کوچگه ایگه، مملکت آبادنلیگی اوچون اولردن ثمره لی فایده له نیش کیرک دیر.
شونینگدیک بو یاشلر نظام کوچیتیریلیشی، مشارکت، اجتماعی عدالت، اطراف محیطنی سقلش، یاشلرگه ایش زمینه سی، ابتکاری، یاشلرگه تحصیلی بورسیه لر یره تیلیشی، سپورت و سپورتچیلرنی حمایت قیلیش، ینگی فارغ بولگنلرگه تربیتی برنامه و تشویقی معاش، تحقیق مرکزلری و زمانوی شفاخانه لر قوریلیشی، ایکینچلیک و چارواچیلیک بولیمیگه سرمایه یاتقیزیش، ماسترلیک و دوکتورا فیسی کمه یشی، مکتبلرده لابراتوارلر، ثمره لی فایده له نیش اوچون متخصصلر استخدام بولیشی، کانلر یخشی فایده له نیلیشی، سوو باشقریلیشی کبی موردلرده اوز ایستک و پیشنهادلرینی مطرح قیلدیلر.
ریاست الوزراء مقامی دفتری عمومی باشلیغی حرمتلی داکتر ملا عبدالواسع اولرنی خوش کیلیب سیزلر دیب ایتیشیچه، یاشلر مملکت و اجتماع نینگ حقیقی کوچی دیر چیگره لر و خوفسیزلیکنی تامینلش و مملکت ترقیاتی بولیمیده خاص روللری بار و اولرگه آرزولر کوپ دیر. اونینگ کوپه یتیریشیچه، سابق شوروی بیرلشمه سی و امریکا اشغالیگه قرشی جهاد دوریده برچه وطنداشلریمیز اینیقسه یاشلریمیز کته قربانلیک بیردیلر.
حرمتلی داکتر ملا عبدالواسع مذکور یاشلرگه منتدارچیلیک قیلیب ایتیشیچه، سیزلرنینگ ایستک و پیشنهادلرینگیز مملکت آبادنلیگی و نظام بقاسی اوچون ضروری دیر. الحمدالله اسلام امیرلیگی آز مدت ایچیده هر بیر طبقه ایستگینی ایشیتگن و امکان قدر تلاش قیله دی. اونینگ کوپه یتیریشیچه، مملکت ده حقیقی امنیت تامینلگن و مسووللر وطنداشلرگه خدمت قیلیش، یاشلرگه ایش زمینه سینی یره تیش، تاجرلرگه سرمایه زمینه سی و داکترلرگه طبابت بولیمیده یخشی زمینه یره تیش اوچون کیچه و کوندوز تلاش قیله دیلر.
ریاست الوزراء مقامی دفتری عمومی باشلیغی نینگ تاکیدله شیچه، حکومت تامانیدن مِهر و رحم-شفقت، ملت تامانیدن اطاعت بوله‌دی و بیز بیر-بیریمیزگه ایشانچنی مستحکملشگه حرکت قیله‌میز. اونینگ قوشیمچه قیلیشیچه، مملکتنی خارجلیکلر رواجلنتیرمه یپتی، چونکه میلیاردلب دالرلر کیلگن، لیکن درست صرفلنمه‌گن. بیز پیشنهاد و ایستک‌لرنی تینگله‌یمیز، شو نینگ اوچون بیز بیر-بیریمیزگه قول چوزیشیمیز و همکارلیک قیلیشیمیز کیره‌ک.#
