افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون توشدن الدین کابل ولایتی پغمان اولسواللیگی نینگ بیر قنچه قوم بویوکلری همده آقسقاللری بیلن ملاقات قیلیشدی.
بو اوچره شووده بیرینچیدن ریاست الوزراء عالی مقامی عمومی دفتری نینگ مردمی همده سیاسی ایشلر بوییچه باشلیغی مولوی گلزار احمد حقانی مذکور بویوکلر همده آقسقاللرنی خوش کیلیب سیزلر دیب، اسلام امیرلیگی نینگ مسووللری هر دایم خلق گه خذمت قیلیش و اولرنینگ قیینچیلیکلرینی حل ایتیش اوچون تلاش قیله دیلر و اسلام امیرلیگی نینگ دروازه سی برچه نینگ یوزیگه آچیق دیر.
کیینچه لیک مولوی هجرت الله حقانی و حاجی راز محمد پغمان اولسواللیگی بویوکلری نماینده لیگیده صحبت قیلیب ایتیشلریچه، پغمان اولسواللیگی اهالی سی نینگ اسلام امیرلیگیگه اخلاص لری بار و اسلامی نظام حاکمیتیدن خرسندلر.
شونینگدیک اولر پغمان یولی پیشیق قوریلیشی، زراعتی ییرلر سوو کمچیلیگی برطرف ایتیلیشی و باشقه بولیملرده گی قیینچیلیک همده پیشنهادلرینی ریاست الوزراء عالی مقامی عمومی دفتری باشلیغی بیلن شریک ایتدیلر.
سونگ ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع پغمان اولسواللیگی قوم بویوکلری همده آقسقاللرینی خوش کیلیب سیزلر دیب، اسلام امیرلیگی اوزی نینگ تلاشلری همده ملت نینگ همکارلیگی بیلن ایشلرینی آلغه آلیب باره دی دیدی. حاضرگی کونده کابل نینگ تورلی منطقه لریده قیته قوریش ایشلر جریانی بار و اسلام امیرلیگی اهالی قیینچیلیگی حل بولیشی اوچون توجه ایته دی.
شونینگدیک او، اسلامی نظام مملکت ده برقرار دیر و اونینگ مستحکمله نیشی و بقاسی برچه نینگ مسوولیتی دیر و برچه میز بیرلیک و بیردملیک بیلن مملکت آبادنلیگی اوچون تلاش قیلیشیمیز لازم.
حرمتلی داکتر ملا عبدالواسع اوزی نینگ سوزلری اداغیده اوشبو قوم بویوکلری همده آقسقاللرگه پیشنهاد همده قیینچیلیکلری تیگیشلی اداره لر بیلن شریک بولیشیدن ایشانچ بیریب اونینگ حلی اوچون چاره تدبیر کوریله دی.#
