ستندرد عالی کینگشی نوبت ده گی اوچینچی ییغینی افغانستان اسلام امیرلیگی ریاست الوزراء اقتصادی وزیری حرمتلی ملا عبدالغنی برادر آخند باشچیلیگیده بوگون مرمرین قصریده بولیب اوتدی بونده ملی ستندرد اداره سی عمومی باشلیغی ملا فیض الله تمیم و مذکور کینگش نینگ دایمی اعضالری حضورلری بار ایدی.
ریاست الوزراء اقتصادی اورین باسری اوشبو جلسه ده مذکور کینگش نینگ ییغینلریده افغانستان ایشلب چیقاریش صفتیب اوستیده بحث بوله دی اونینگ یخشیله نیشی و تضمینی اوچون معیاری ستندردلر تصدیقلنه دی. اوشبو ستندردلر ایچکی تولیدات گه خلق ارا اعتبار بیره دی و بو بیلن مملکت صادراتی کوپیه دی.
کیینچه لیک ملی ستندرد اداره سی عمومی باشلیغی مولوی فیض الله تمیم ستندردلر ارزشی باره سیده صحبت قیلیب، معیاری ستندردلر عملگه آشیریلیشی انسان ساغلیقی و حیوانلر محفوظ بوله دی و مصون محیط ایجاد بولیشی اوچون ثمره لی نقشی بار دیدی.
مولوی تمیم نینگ کوپه یتریشیچه، شونینگ اوچون ستندرد ملی اداره سی معیاری ستندردلرنی ایریم بولیملر جلمه دن ایشلب چیقاریش فابریکه، شرکتلر تیگیشلی اداره لرنی تانیشتیره دی.
مذکور ییغین ده ملی ستندرد اداره سی مسووللری اوز ییللیک گزارشلریده ایتیشیچه، معیاری تولیدات مقصدیده یوزلب ستندردنی تورلی بولیملریده تولیدی فابریکه لر، شرکتلر و تیگیشلی اداره لرگه تانیشتیره دی و شونینگدیک 61 فابریکه تولیدی شرکتلرنی نظارت قیله دی.
بو فابریکه لر و شرکت لر ایچیده بولرنینگ ایریم لرینی تولیداتی قانیقرلی بولگن و کوپینچه سی معیاری بولمه گنی اولرگه لازم توصیه لر بیلدیریلگن.
عالی ستندرد کینگشی ادویه، آزیق آوقت، قوریلیش موادلر و باشقه بولیملرده تصویب بولگن ستندردلر بوتونله ی تطبیق بولیشی باره سیده جدی تاکیدلب، تخلف و تطبیق بولمه گن حالده، ستندر ملی اداره سی فابریکه لر همده شرکت لرنینگ فعالیتی توغریسیده گی قرارنی اقتصادی اورین باسرلیککه پیشنهاد قیلنه دی. شونینگدیک فابریکه لر همده شرکتلرنی دواملی نظارت و کوزه تیش و تصویب بولگن ستندردلرنی کامل تطبیق ایتیش اوچون، عمل مشترک ریجه سی ملی ستندرد اداره سی رهبریتیده تیگیشلی وزیرلیک همده اداره لر هماهنگلیگیده ترتیب و تطبیق بولیشی فیصله قیلیندی.
ستندرد عالی کینگشی نوبت ده گی اوچینچی ییغینیده آزیق آوقت و ایکینچلیک محصولاتی، ادویه و آرایشی لوازم، قوریلیش موادلر، الکترونیک و مخابرات، نساجی و چرم، محیط زیست، پلاستیک، طبی اوسکونه، کانلر و حلاله مواسی کبی ۳۰ مورد تصدیق له نیشی اوچون تقدیم بولگن ایدی بونینگ اوستیده هر تامانلمه بحث بولگن دن سونگ اقتصادی اورین باسری تامانیدن تصدیقلندی و ملی ستندرد اداره سیگه بونینگ تطبیقی اوچون جدی اقدام قیلیشی بویرولدی بونینگ تطبیقی باره سیده گی گزارش منظم روشده اقتصادی اورین باسرلیککه شریک قیلینیشی ایتیلدی.
حرمتلی ملا صاحب نینگ سوزلریگه کوره، بو ایش بیلن مملکت گه صفت سیز موادنی آلیب کیلیش و ایشلب چیقاریش نینگ آلدی آلینه دی وطنداشلریمیز ساغلیغی همده کالالر و خدمتلر تضمین ایتیله دی.#
