افغانستان اسلام امیرلیگی ریاست الوزراء اقتصادی اورین باسری ملا عبدالغنی برادر آخند جنابلری باشچیلیگیده، ملی تدارکات کمیسیونینینگ نوبتدهگی ییغینی بوگون مرمرین قصریده بولیب اوتدی.
آجنداگه موافق، اوشبو ییغینده ۲۶ پروژه منظور ایتیلیش اوچون تقدیم ایتیلدی و بحثلردن سونگ، ۲.۸ میلیارد افغانی قیمتیدهگی ۱۹ پروژه منظور قیلینیب، باشقه تورت پروژهگه ایریم اوزگریشلر کریتیلدی.
شونینگدیک، موظف کمیتهگه بیر پروژه نینگ تدارکات جریانی و قیمتینی تیکشیریش و بهالاش وظیفهسی تاپشیریلدی.
بوندن تشقری، موظف کمیتهگه بیر پروژه نینگ تکلیف قیلینگن قیمتی بوییچه غالب شرکتلر بیلن مذاکره قیلیش وظیفهسی بیریلدی و ینه بیر پروژه قیتهدن داوطلبلیککه قوییلدی؛ چونگه غالب شرکت پروژهنی کیلیشیلگن قیمت بیلن عملگه آشیریشدن واز کیچگن ایدی. اوشبو شرکت اوشبو عملی سببلی محرومیت کمیتهسیگه تانیتیلدی.
ایتیش جایزکی، منظور ایتیلگن و اوزگریش کیریتیلگن پروژهلر مخابراتی جهازلر، یول قوریلیشی، برق ییتکزیب بیریش و ترقتیش همده باشقه بیر قطار پروژهلرنی اوز ایچیگه آلهدیکی، اولر افغانستان اسلام امیرلیگی تامانیدن تمویل ایتیلهدی.#
