افغانستان اسلام امیرلیگی ریاست الوزراء مقامی عمومی دفتری نینگ باشلیغی حرمتلی داکتر ملا عبدالواسع بوگون توشدن آلدین کابل شهری جاده میوند بلند منزللر بیرلشمه سی مسووللری بیلن اوچره شدی.
ارگ ده بولیب اوتگن بو اوچره شووده بیرینچی دن حاجی دریاخان مشعل باشقه لر نماینده لیگیده صحبت قیلیب اسلامی نظام مستحکملیگیدن خرسندلیک قیلیب ایتیشیچه، اسلامی نظام کیلیشی بیلن افغان خلقی نینگ آروزلری رویاب گه چیقدی و هر دایم همکارلیککه تیار میز.
حاجی دریاخان مشعل نینگ سوزلریگه کوره، جاده میوند بلند منزللری تهکولری نقلیه واسطه‌لر اوچون پارکینگی توزتیلیشی باره‌سیده اوز فکر و نظرینی شریک قیلدی. اونینگ قوشیمچه قیلیشیچه، مذکور بیرلشمه اسلام امیرلیگی جاده میوندگه یقین موقعیت ده ییر تثبت ایتسه معیاری پارکینگ توزه تیشگه تیار دیدی.
حاجی دریاخان مشعل جاده میوند ده ینگی پارکینگ قوریلیش موضوعی تیگیلشی اداره لر آرقلی هیات تعیبنله‌نیب موضوع تیکشیریلیب اورگنیلیشینی ایسته‌دی.
ریاست الوزراء مقامی عمومی دفتری باشلیغی حرمتلی داکتر ملا عبدالواسع مذکور بیرلشمه اعضالرینی خوش کیلیب سیزلر دیب، همکارلیکلری اوچون تاجرلرگه قدردانلیک قیلیب ایتیشیچه، مملکت بویلب قیته قوریش لایحه لر عملگه آشیریلیشی ملت نینگ آسایشی و خیریگه تمام بوله دی.
اونینگ سوزلریگه کوره، بو لایحه عملگه آشیریلیشی بیلن بیر قطارلر احتمال خوش بولمسلیگی ممکن، لیکن عمرانی برنامه لر عملگه آشیریلیشی مردم آسایشته لیگی، مملکت آبادانلیگی و شهری انتظام اوچون مهم دیر و اسلام امیرلیگی نینگ ایش اولویت ده دیر.
ریاست الوزراء مقامی عمومی دفتری نینگ باشلیغی اوزی نینگ سوزلری اداغیده پیشنهاد و ایستکلرینگیزگه تیگیشلی اداره لر حل یول تاپیش اوچون حرکت قیله دیلر دیب اطمینان بیردی.#
