افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون پنجشیر ولایتی امنیه قوماندانی قاری احمدالله بدر بیلن اوچره شدی.
حرمتلی بدر پنجشیر ولایتی مرکزی همده اولسواللیکلریده امنیت تامیندن اطمینان بیریب ایتیشیچه، اهالی بیلن یخشی صورتده هماهنگلیکلری بار و خلق ایسه امنیتی اداره لر بیلن همکارلر.
اونینگ سوزلریگه کوره، پنجشیر ولایتی نینگ بیر قنچه یاشلری اسلامی اردو و پولیس صفلریگه جذب بولیشلری اوچون رویخطدن اوتگنلر تیزلیک ده اولرنینگ رسمی ایشلری باشلنه دی.
پنجشیر ولایتی امنیه قوماندانی نینگ ایتیشیچه، پنجشیر خلقی قیینچیلیکلرینی حل قیلیش اوچون اداری مسووللردن علاوه خاص کمیسیون هم ایشله یدی و انده سانده محل اهالیسی بیلن ییغیلیش اوتکزه دیلر.
شونینگدیک قاری احمدالله بدر پنجشیرده کوپینچه رواجله نیش پروژه لر احتیاج بولگنی حقیده گپریب کمبغل یاشلرگه ایش فرصتلری یره تیله دی دیدی.
ریاست الوزراء سیاسی اورین باسری حرمتلی مولوی عبدالکبیر امنیت تامینله نیشی بولیمیده اسلام امیرلیگی مجاهدلری سعی و حرکتلرینی آلقیشلب، حربی بولیمده شرایط گه برابر بولگن کیشیلر تعیینلنگن و مجاهدلر مملکت بویلب امنیت تامینله نیشی اوچون سعی و حرکت قیلگنلر.
اونینگ ایتیشیچه، حربی اداره لرگه پنجشیرلیک بیر قنچه یاشلرنی جذب ایتیش دن علاوه مذکور ولایت ده ترقیات پروژه لر عملی بولیشی اوچون یخشی فرصتلر اورته گه کیله دی.
عین حالده ریاست الوزراء سیاسی اورین باسری اوزی نینگ سوزلری اداغیده، پنجشیرده سوو تاشقینلری زیانلری نینگ آلدینی آلیش اوچون بیر قنچه اساسی پروژه‌لرگه بودجه اجره تیلیشی کیره‌ک دیدی.#
