ریاست الوزرا اداری اورین باسری حرمتلی مولوی عبدالسلام حنفی اوتگن کونی بیرسفر آرقلی جوزجان ولایتینینگ قوشتیپه تومنیگه باردی.
مذکور سفر جریانیده ریاست الوزراء اداری اورین باسری «چهار سای» شهیدلر منطقهسی گه باریب شهیدلر حقیگه دعا قیلیب، اوندن کیین اوییردهگی مدرسه نی کوریب طلبهلرنی دینی بیلیملرنی آلیشگه تشویق قیلدی.
ریاست الوزرا اداری اورین باسری حرمتلی عبدالسلام حنفی، بو سفرلریده قوشتیپه و درزاب تومنلرینینگ خوفسیزلیک ملازملری، دین عالملری، قوم بویوکلری و یاشلر بیلن زمرد سای نفت منطقهسیده اوچرهشیب، تومن یشاوچیلری و مجاهدلرینینگ اشغال دوریده اینیقسه شورویلر اشغالیده شهید بولگن تورت مینگ مجاهدلردن ایسلب، اسلام امیرلیگی الهی کامیابلیک سبب و خلق همده مجاهدلرنینگ جانبازلیگی باعث کامیابلیککه ایریشگنینی اورغولهدی.
شونینگدیک ریاست الوزرا اداری اورین باسری اشغال یکونی بیلن افغانستان خلقی حقیقی ایرکینلیککه ایریشگن و بونی سقلش اوچون بیرلیک و بیردملیکنی اسرهش لازم دیدی.
حرمتلی حنفی جنابلری اسلام امیرلیگی ملازملرینینگ مسوولیتلری حقیده سوزلب، اسلام امیرلیگی مسووللری خلقنینگ برچه قینچیلیکلری ییچیلیشی اوچون جدی تلاش قیلیب تورگنلیکلرینی معلوم قیلدی.
شونینگدیک اوکیشی قوشتیپه کانالیدن جوزجانده ایکینچلیکنی سوغاریش مقصدیده فرعی کانال شبرغان گه قرهته قوریلیشینی بیان قیلدی.
ریاست اولوزرا اداری اورین باسری جاری ییلده تورلی خیل رواجلنیش پروژه لری قول اوستیگه ایکنینی ایتیب، مذکور پروژه لر بیرین – کیتین تطبیق بولیشی ممکن دیدی.
انهشو حالده قوشتیپه اهالیسی ریاست الوزرا اداری اورین باسرینینگ بو تومنگه بولگن سفرینی خوش قرشیلب، تینچلیک اولرنینگ اوزاق آرزولریدن ایکنلیگی و بو ایش اسلام امیرلیگی حاکمیتیده تامین ایتیلگنینی ایتدیلر.
اولر قوشتیپه و درزاب تومنلرینینگ یوللری قیر قیلینیشی و برق کیلتیریلیشی اوته مهم ایکنینی ایتیب، بو ایشدن قدردانلیک بیلدیردیلر.
دیمک قوشتیپه تومنینینگ یشاوچیلری اسلام امیرلیگیدن اوزلرینینگ هر تمانلمه آرقهداشلیکلرینی معلوم قیلیب بو خصوصده هر قندهی شرایطده ثابت قدم قالیشلرینی ایتدیلر.#.
