افغانستان اسلام امیرلیگی نینگ سیاسی اورین باسری حرمتلی مولوی عبدالکبیر بوگون شهر قوریش وزیرلیگی معینی شیخ مدارعلی کریمی حضوریده شیعه علمالری و آقسقاللری بیلن اوچره شیب ملاقات قیلدی.
اوشبو دین عالملری همده آقسقاللر اوز صحبتلریده ریاست الوزراء سیاسی اورین باسری نینگ همکارلیگیدن منتدارچیلیک قیلیب، اسلام امیرلیگیدن آلدینگی هیچ بیر نظام لرده هزاره همده شیعه لرنینگ آوازی ایشیتیلمه گن ایدی.
اولر مملکت بویلب اسلام امیرلیگی مسووللری‌نینگ خلق قه توغری مناسبتده ایکنلیکلرینی تیلگه آلیب، همکارلیکنی کوچه‌یتیریشنی بیلدیردیلر.
بو علمالر مملکتده اشغال عاقبتلریگه برهم بیریش نقطه‌ی نظریدن حکومتدن تشقری علمالر و ملت هم مسوول و بیرگه‌لیکده حرکت قیلیشلری کیره‌کلیگینی قوشیمچه قیلدیلر.
اولر مملکتده ملي بیرلیکنی حمایه قیلیش یولیده همکارلیک قیلیشلریگه ایشانچ بیلدیریشدی و اسلام امیرلیگی بیلن تورلی ساحه‌لرده همکارلیک قیلیشلرینی قوشیمچه قیلیشدی. بو عالِملر و آقسقاللر بیر قطار معمالر حل بولیشی توغریسیده اوز پیشنهادلرینی ریاست الوزراء سیاسی اورین باسری بیلن شریک قیلدیلر.
ریاست الوزراء سیاسی اورین باسری حرمتلی مولوی عبدالکبیر اهل تشیع نینگ عالملرینی خوش کیلیب سیزلر دیب، اولرنینگ اسلام امیرلیگی بیلن همکارلیگینی آلقیشله دی.
محترم سیاسي اورین باسر اسلام امیرلیگی شیعه علمالری نینگ همکارلیگیگه ایشانچی کامل و حکومت هم اولر نینگ فکر و مصلحتلرینی تینگلب، معمالریگه ییچیم تاپیشگه حرکت قیله‌یاتگنینی ایتدی.
حرمتلی مولوی عبدالکبیر امیرلیک اداره لری اولرنینگ معمالرینی حل قیلیشده یاردم بیریشینی و اولر نینگ پیشنهادلری کوریب چیقیلیشینی قوشیمچه قیلدی
