بسم الله الرحمن الرحیم
الحمد لله الذي فضل أوقات رمضان على غيره من الأزمان وأنزل فيه القرآن هدى وبينات من الهدى والفرقان والصلاة و السلام علی نبينا محمد و علی آله و أصحابه و التابعین لهم باحسان.
سونگ: افغانستان مومن و بوتون دنیا برچه مومن مسلمانان ایناغه‌لر
السلام علیکم ورحمة الله و برکاته!
رسول الله صلی الله علیه وسلم نینگ عادتی بار ایدیکه، رمضان آیی کیلمسدن آلدین صحابه‌لر و باشقه مسلمانلرگه رمضاننی ترهیب و رغبتلنتیریش حقیده نصحت قیله‌دیلر.
اولن‌بار بوتون دنیا مسلمانلرینی، اینیقسه افغانستان مسلمان خلقینی کیلیب کیلگن رمضان آیی بیلن صمیمی تبریکله‌یمن.
بو مبارک آی توبه و عبادت آیی بولیب، اونده برچه ایزگو عملکرد باشقه واقعه‌لرگه قره‌گنده بیر نیچه برابر کوپ ثوابگه ایگه بوله‌دی. الله تبارک و تعالی بیز و سیزلرنی بو مبارک آیده توبه، استغفار، ذکر، طاعت مقبول عبادت توفیق و روزه مبارک آیی فرضلرینی بجریش اوچون تولیق ساغلیق و عافیت بیرسین. آمین یا رب العالمین
مبارک رمضان آییده قرانکریم نازل بولدی. بو آیده نفسنی پاکلش، الله تعالی گه مراجعت قیلیش، مسلمانانلر اورته‌سیده همکارلیک و بیردملیک، ناچار و کمبغللرگه تینچلیک و رحم و شفقت کورسه‌تیش اوچون مهم بیر فرصت دیر.
رمضان آیی نینگ قدر و فضیلتیدن کیلیب چیقیب، برچه مسلمانلر ثواب و مغفرتگه توله منه شو معنوی دملردن اونوملی فایده‌له‌نیشلری امید قیلینه‌دی.
دین عالملری و مسجدلر خطیبلری همده ملا اماملردن رمضان المبارک آییده مسجدلرده تراوح و نمازنی ادا قیلیشدن علاوه دینی تعلیم، دعوت، قرآن کریم ترجمه سی یا تفسری دوره اوتکزیب برچه مسلمانلرگه الهی کلام معنی و مقصدینی اورگتیشلرینی ایسته‌یمن.
مسلمان ایناغه لر تولیق شوق بیلن قرآن کریم تلاتیدن بولک قرآن عظیم ترجمه‌سی و تفسیری درسلریگه قتنشسینلر.
رمضان مبارک همدردلیک صله رحم پیامی بار و روزه توتیش بیلن بیز انسانلر آچلر حالیدن خبردار بوله‌میز، حکومت مسووللری و یا کوچی ییتگن وطنداشلریمیز و سرمایه‌دارلریمیز کمبغل و قشاق مسلمانلرگه یاردم کورستیشی ضرور دیر. اینیقسه زلزله و باشقه طبیعی حادثه‌لردن زیان کورگن وطنداشلریمیز و شونینگدیک مملکت گه قیتیب کیلگن مهاجرلر، شهیدلر عایله سی، قوشنیلر و یتیملرنی ایسدن چیقارمسلیگی کیره‌ک.
ایریم پیتلرده رمضان مبارک آیی کیریب کیلیشی بیلن آزیق آوقت و باشقه کیره‌کلی نرسه‌لر ایریم فرصت طلب آدملر تامانیدن بازار ده کوتیلمه گن درجه ده نرخی کوتریله‌دی، ممکن قدر نرخ نوا پسگه توشیتریلیشی کیره‌ک و برچه تیگیلشلی اداره لر مسووللری آزیق آوقت نرخی نینگ یوقاری کیتیشی نینگ آلدینی آلیش اوچون بازار نی نظارت قیلیب توریشلری لازم دیر.
رمضان المبارک آیی بو ییل شونده‌ی بیر پیتده کیله یپتی که صهیونیست متجاوزلری فلسطینده‌گی بی‌پناه مسلمانلر اینیقسه اسلام دنیاسی نینگ بیر قسمی خصوصن غزه مسلمانلریگه ظلم قیلیب تورگن و دنیا ایسه بونی آچیق کوز بیلن کوریب تورگن دیر.
بیزلر ینه بیر مرته بوتون بشریت خصوصا خلق ارا تشکیلاتلر و اسلام مملکتلریدن اوشبو جاری ظلم و وحشت یکونله‌نیشی اوچون اوز مسوولیتلرینی ادا قیلیب غزه مظلوم مسلمانلرمی قوللب قووتلش کیره‌ک دیر.
غزه ده یوز بیریب تورگن وضعیت بشریت تاریخی اوچون قاره داغ دیر و بو ظلم گه سبب بولگن برچه دولتلر و بونینگ آلدینی آلیش یولیده حقیقی تلاش قیلمه‌یدیگنلر صهیونیست هجومچلری نینگ جنایتیگه شریکلر.
یکونده ینه بیر بار رمضان المبارک آیی کیریب کیلیشی بیلن برچه اسلام امتیگه اینگ ایزگو آرزولر قیله‌من و الله تعالی بو آی برکتی بیلن برچه مسلمانلر ارا بیرلیک و بیردملیک برقرار قیلسین و الله تعالی بی‌پناه و مظلوم مسلمانلرنی اوز حفظیده سقله‌سین.
بو مبارک کیچه و کوندوز لرده بوتون مسلمانلر خصوصآ فلسطین لیک مسلمانلرمی اوز دعالرینگیزده اونوتمنگلر و اولرگه ممکن بولگن یاردمنی کورسه‌تینگلر.
امین یا رب العمالمین، و ما ذالک علی الله بعزیز
د افغانستان اسلامي امارت رئیس الوزراء
الحاج ملا محمد حسن آخند
۱۴۴۵/ ۰۸/۲۹/
