بسم الله الرحمن الرحیم
الحمد لله و کفی والصلوة و السلام علی عباده الذین اصطفی. سونگ:
قال الله تبارک و تعالی: وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ (۲) المائدة. صدق الله العظیم.
خیرخواهلیک، همدردلیک، خیرلی ایشلرده بیر- بیرلریگه یاردم بیریش دیني نقطه‌ی نظردن اېنگ کتّه ثوابگه اېگه بولگن، اخلاقي نقطه‌ی نظردن ایسه اینگ اولوغ انساني فضیلتلر و صفتلردن سنه‌لگن اینگ یخشی عمل دیر.
بیر- بیریمیز نینگ حالیمیزدن خبر آلیب، بیر- بیریمیزگه همدرد بولیشگه، ناچار و محتاجلر نینگ قولیدن اوشلب، محتاجلر نینگ احتیاجینی قاندیریشگه، اولرگه قولیمیزدن کبلگنچه یاردم ببریشگه مجبورمیز.
مملکتیمیز افغانستان سونگگی قیرق بیش ییل دوامیده اوروشلر و ایشانچسیزلیککه گواه بولیب، اهالی سانی کوپه‌یگنلیگی سببلی جمعیتیمیز همه‌دن کوره کوپراق همدردلیک و اوز ارا یاردم و قوللب-قوّتلشگه محتاج.
خلق ارا قیزیل یریم آی جمعیتی کونی مناسبتی بیلن شونی ایتیش کیره‌ککی، افغانستانده‌گی بونده‌ی کومکچی تشکیلاتلر نینگ مسوولیتی جوده مهم و آغیر. خلقیمیز اوروشدن چیققن بولسه-ده، عموم‌انساني تینچلیکدن بهره مند. اما اوروش نینگ ایزلری و یره‌لری همان میراث بولیب قالگن. میلیونلب یورتداشلریمیز اوز وطنیده یاکه خارجده قاچقین صفتیده یشه یدی. بیزده یاردمگه محتاج معلوللر، ییتیملر، بېوه‌لر، ناچار فقرالر کوپ.
شونگه کوره، ساغلیقنی سقلش، اقتصادي، قیته قوریش و باشقه تورلی ساحه‌لرده یاردمنی آشیریش و تیزلشتیریش یاردم تشکیلاتلری نینگ مسوولیتی حسابلنه‌دی.
افغانستان اسلام امیرلیگی برچه یاردم تشکیلاتلری نینگ محنتی و خدمتلرینی یوقاری بهالب، اولر نینگ فعالیتی اوچون مناسب شرایط یره‌تیب بیرگن، اولر نینگ خوفسیزلیگی و مصئونیتیگه جدّي اعتبار قره‌تماقده، معمالرنی اوز وقتیده برطرف ایتماقده.
خلق ارا قیزیل یریم آی کونی مناسبتی بیلن برچه محنتگه لیاقتلی فقرالرنی، یاردم مؤسسه‌لری و تشکیلاتلرینی افغانستان قیزیل یریم آی کوچلی قوللب-قوّتلشگه چقیره‌من. مملکتیمیزده گی ییتکچی یاردم تشکیلاتی بولگن افغانستان قیزیل یریم آی جمعیتی کم تأمینلنگن فقرالرگه یاردم کورسه‌تیشده سلماقلی خدمتلر کورسه‌تیب، مملکتیمیز نینگ برچه حدودلریده خیریه فعالیتینی دوام ایتتیرماقده.
افغانستان قیزیل یریم آی جمعیتینی قوللب-قوّتلش، اساسن، مملکت نینگ کمبغل، اوی سیز و محتاج اهالیسینی قوللب-قوّتلش دیر، بو برچه‌میز نینگ عمومي مسوولیتیمیز حسابلنه‌دی.
نهایت، برچه خیریه تشکیلاتلری جمله‌دن، افغانستان قیزیل یریم آی جمعیتی فعالیتینی یوکسک قدرله‌یمن و خیریه ایشلریده موفقیتلر تیله‌یمن.
والسلام علیکم ورحمة الله وبرکاته
افغانستان اسلام امیرلیگی باش وزیری
الحاج ملا محمد حسن آخند
۲۹/ شوال المکرم/۱۴۴۵ هـ ق
