بسم الله الرحمن الرحیم
نحمده و نصلي على رسوله الكريم. أما بعد:
اولکه میز افغانستان دین عالملری، صوفیلر، شاعرلر همده ییریک علمی و روحانی شخصیتلرنینگ توغیلگن مسکنی دیر. بو ییریک شخصیتلردن بیری مولانا جلال الدین محمد بلخی بوله‌دی، او قویاش ییتینچی عصرنینگ بیرینچی یرمیده افغانستان نینگ بلخ ولایتیده علمی بیر عایله‌ده توغیلگن. هنوز اولغیمه‌گن بیر پیت ده مولانا جلال الدین محمد بلخی نینگ عایله‌سی افغانستان دن هجرت قیلدی و عمری نینگ کته قسمینی تورکیه نینگ قونیه شهریده اوتکزدی.
بلخ لیک مولانا اتاقلی علما، مشاهیر و روحانی شخصیتلردن، دعوت یولی آرقلی بیلیم کسب ایتگندن سونگ، اوزی نینگ اثر و شعرلری وسیله‌سی سلوکی بیلن اسلام دنیاسی ادب و فرهنگ گه سیزیلرلی درجه ده خدمت قیلگن.
مولانا جلال الدین محمد بلخی اوزی نینگ علمی همده فایده لی اثرلری و عالی تفکری برکتی بیلن دنیا بویلب شهرت قازاندی، اونینگ آتی، تالیفلری، تفکری و علمی بیلن فقط وطنداشلریمیز و اسلام دنیاسی ایمس، بلکه جهان تانیش لر.
شونینگدیک مولانا جلال الدین محمد بلخی اسلامی یارقین ادب و فرهنگ نینگ تانیتیش، ترقیات و رواجله‌نیشی اوچون ارزشلی نقشنی بجرگن. اونینگ تانیلگن کتابی (مثنوی معنوی) مینگلب بیت نینگ توپلمی دیر، بو خلق ارا ادبی همده عرفانی شهکارلیکلردن حسابنله‌دی.
افغانستان اوزی نینگ اوزاق مدتلی تاریخی باسقیچلریده مولانا بلخی کبی مشاهیر، متفکرلر و کوپینچه اتاقلی نابغه‌لرنی تربیه‌له‌گن، بولر فقط عزیز افغانستان اوچون فخرلی بولمه‌ی، بلکه اولرنینگ خیری اسلامی امت و جهانگه ییتیشگن و بشری مدنیت و اسلامی ادب و فرهنگ کینگه‌یشی اوچون اونینگ نقشی کوزگه کورینرلی دیر.
مولانا شخصیتی و حیاتی نینگ تورلی قیره لرینی اورگنیش شاعرلر، قلم ایگه‌لری و تحقیقاتچیلرنینگ کوپراق تحقیق و ایزله‌نیش آلیب باریشلریگه احتیاج بار؛ اولردن مولانا جلال الدین محمد بلخی شخصیتی نینگ تورلی قیره‌لری و اونینگ اسلامی ادب و فرهنگ رواجله‌نیشی یولیده‌گی رولی بوییچه یاروغلیک تشلشلرینی ایسته‌یمیز تاکه کیله‌جک نسل مملکتلری نینگ بو اتاقلی روحانی و عرفانی شخصیتی نی کوپراق تانیب اونینگ قلمی تفکریدن فایده‌لنسه‌لر.
اسلامی فرهنگ و مدنیت نینگ یارقین یولدوزلریدن بیری مولانا جلال الدین محمد بلخی نینگ ادبی و فرهنگی خدمتلریگه حرمت قیلیش اوچون مهم کنفرانس نی اویوشتیریگن بیلیملر اکادمیه‌سی مسووللری، بو علمی و تحقیقی سیمینارنی اوتکزوچیلر و اشتراکچیلرگه الله تعالی دن اجرلر ایسته‌یمن.
ادیب لر، محقق لر مولانا علاقمندلری و اوشبو کنفرانس ده نطق سوزله‌گنلر مولانا بلخی نینگ شخصیتی، تفکری، شعرلری فرهنگی و ادبی خدمتی بوییچه هر تامانلمه صحبت لر اوتکزیشلریگه ایشانه‌من. الله تعالی اولرگه سعادت و کامیابلیک نصیب قیلسین.
و من الله التوفیق
افغانستان اسلام امیرلیگی باش وزیری
الحاج ملا محمد حسن اخند
