بسم الله الرحمن الرحیم
الحمد لله و کفی و الصلوة و السلام علی عباده الذین اصطفی. اما بعد: قال الله تبارک و تعالی: وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ(۲) المائدة. صدق الله العظیم
ایش سیزلیک و قشاقلیک اجتماعی جدی بیر قیین چیلیک حسابنله‌دی، بو افغانستان اسلام امیرلیگیگه سونگگی قیرق بیش ییل ایچده گی اوروش و اره لشیشلردن میراث قالگن محصول دیر. شونی انابتگه آلگن حالده، اوز خلقی اوچون ینه‌ده یخشی ایش اورینلری یره‌تیش و اولر نینگ معمالرینی حل ایتیش افغانستان اسلام امیرلیگی نینگ مهم مقصد و اوستوار یونه‌لیشلریدن بیری دیر.
ایش و اجتماعي ایشلر وزیرلیگی اسلام امیرلیگی نینگ باشقه اداره‌لری بیلن بیرگه‌لیکده ایش سیزلیک و قشّاقلیککه قرشی مناسب و عاقلانه کوره‌شیش مقصدیده ملي ایش کنفراسسینی کوترینکی روحده تشکیل ایتگنیدن، شونینگدیک، باشقه مسوولیتلر، فایده‌لی دستورلر و برنامه لرنی عملگه آشیریشدن خورسندمن.
اسلام امیرلیگی برچه اداره لری، خصوصی سکتور، یاردم بیرووچی تشکیلاتلر و بو کنفرانس ده گی تشقی اولکه لر نماینده لری وظیفه سی دیب بیله من که ایش سیزلیککه قرشی کوره ش اوچون مذکور ایش ملی کنفرانسی موفقیت بیلن اوتکزیلیشی اوچون تلاش قیله دیلر و بو کنفرانس اوز پایانیگه ییتگندن سونگ، تعین بولگن هدف نی ایش و اجتماعی ایشلر وزیرلیگی هماهنگ لیگیده تعقیب ایتسه لر تاکه بیر تاماندن تورلی بولیملرده کوپینچه وطنداشلریمیزگه ایش فرصتلری یره تیلسه و باشقه بیر تامان ایسه ایش سیزلیک میزانینی امکان قدر کمه یتیرگن بولسک.
افغانستانده‌گی خصوصي سکتور نینگ حصه‌سی و اهمیتینی انابتگه آلیب، اولر اسلام امیرلیگی تامانیدن یره‌تیلگن یخشی ایش محیطی و سرمایه اوچون ضرور امکانیتلردن فایده‌لنیشلرینی و کیره‌کلی ساحه‌لرده اوز فعالیتینی کینگه‌یتیریشلرینی ایستردیم کیره‌ک بولگنده قشّاقلیک و ایش سیزلیککه قرشی بیرگه‌لیکده کوره‌شیش شونینگدیک، افغانستان بیلن ایش و بندلیک ساحه‌سیده کیلیشوو و همکارلیککه ایگه بولگن یاردم تشکیلاتلری و دولتلردن افغان خلقیگه اوشبو مخصوص شرایطلرده ایشچیلرنی ایش بیلن تأمینلشده یاردم بیریشلرینی سوره‌یمیز.
افغانستان اسلام امیرلیگی افغانستان نینگ اوزینی-اوزی تأمینلش، رواجلنتیریش و اهالینی ایش بیلن تأمینلش بوییچه ایش بازاری احتیاجلرینی حسابگه آلگن حالده، اسلام دینی نینگ مقّدس کورسه‌تمه‌لری اساسیده شونده‌ی سیاست، استراتیژي و ترتیبلرنی یره‌تیش مجبوريتینی آله‌دی کورسه‌تیلگن مقصدلر عملگه آشیریله‌دی.
نهایت، ایش و اجتماعي ایشلر وزیرلیگی رهبریتی همده اوشبو مهم کانفرانسنی نینگ برچه تشکیلاتچیلری و اشتراکچیلریگه اللّه نینگ مرحمتیدن ینه‌ده موفقیتلر تیله‌یمن. مومن خلققه خدمت قیلیش، یورتنی اوزی خواهله‌گندیک یشنه‌تیش یولیده‌گی سعی-حرکتلرینی دوام ایتتیریش امیدیده.
و السلام علیکم ورحمة الله وبرکاته
الحاج ملا محمد حسن آخند
افغانستان اسلام امیرلیگی باش وزیری
